नाटे : रत्नागिरी जिल्ह्यातील राजापूर तालुक्यातील एका महिलेवर अत्याचार झाल्याची धक्कादायक घटना उघडकीस आली आहे. या प्रकरणात शिक्षकाचा सहभाग समोर आल्याने संपूर्ण परिसरात संतापाची लाट उसळली आहे.
याप्रकरणी नाटे (सागरी) पोलिसांनी शनिवारी रात्री उशिरा संशयित शिक्षकाला अटक केली. अटक करण्यात आलेल्या संशयित शिक्षकाचे नाव रामनाथ नारायण वाकडे असे असून, तो परिसरातील एका नामांकित हायस्कूलमध्ये शिक्षक आहे. समाजात आदर्श मानल्या जाणाऱ्या शिक्षकाकडूनच अशा प्रकारचे कृत्य घडल्याने शिक्षणक्षेत्रावरच प्रश्नचिन्ह संशयित शिक्षकाला अटक निर्माण झाले आहे.
मिळालेल्या माहितीनुसार, पीडित महिला २० व २१ एप्रिल रोजी आडिवरे-रुंडे येथील काजू बागेत कुंपणासाठी खड्डे खोदण्याचे काम करत होती. याचदरम्यान संशयित शिक्षकाने तिला एकटी गाठून जबरदस्तीने अत्याचार केला. पीडितेने प्रतिकार करण्याचा प्रयत्न केला असता, आरोपीने तिला जीवे मारण्याची धमकी देत गप्प राहण्यास भाग पाडले.
अखेर पीडित महिलेने नाटे (सागरी) पोलिस ठाण्यात तक्रार दाखल केली. सहायक पोलिस निरीक्षक प्रमोद वाघ यांच्या मार्गदर्शनाखाली पोलिसांनी तत्काळ तपास सुरू करत रात्रीतून शोधमोहीम राबवली.
