रत्नागिरी : पत्नीवर सुरीने वार केल्याने गुन्हा दाखल; पतीने जीवन संपवले

रत्नागिरी; पुढारी वृत्तसेवा : घरगुती वादातून पत्नीच्या हातावर सुरीने वार करणाऱ्या पतीने राहत्या घरी गळफास घेऊन जीवन संपवले. ही घटना मंगळवारी (दि. २७) सायंकाळी परटवणे, सरोदेवाडी येथे घडली. शंकर दत्ताराम रसाळ असे त्याचे नाव आहे.

काही दिवसांपूर्वी गाडीतळ येथे पत्नी घरकाम करण्यासाठी गेलेली असताना पती शंकर रसाळने तिथे जाऊन तिला मारहाण केली. धारदार सुरीने पत्नीच्या डाव्या हातावर वार केले. या प्रकरणी पत्नीने त्याच्याविरूद्ध शहर पोलीस ठाण्यात गुन्हा दाखल केला होता. मंगळवारी सायंकाळी घरात कोणी नसताना शंकरने दोरीच्या साहाय्याने गळफास घेऊन जीवन संपवले. थोडया वेळाने कुंटुंबिय घरी आल्यानंतर ही घटना उघडकीस आली. या बाबतची माहिती पोलिसांना देण्यात आली. पोलिसांनी पंचनामा करून मृतदेह जिल्हा रुग्णालयात पाठवला. या घटनेची नोंद शहर पोलीस ठाण्यात झाली आहे.

हेही वाचा : 

• धक्कादायक! पत्नीची हत्या करून मृतदेहाजवळ केला व्हिडिओ
• परवाना नुतनीकरणासाठी लाच मागणारा विद्युत निरीक्षक गजाआड
• 'चलो दिल्ली' मोर्चा : अश्रुधुरामुळे आतापर्यंत ६ शेतकऱ्यांचा मृत्यू