नगर : पूर्वसूचना न देता अघोषित भारनियमन, भाजप नगरसेवकाची महावितरण कार्यालयात तोडफोड

नगर : पुढारी वृत्तसेवा : सध्या संपूर्ण जिल्हाभर महावितरण कार्यालयाकडून पूर्वसूचना न देता अघोषित भारनियमन सुरू आहे. त्यामुळे जनतेला मोठ्या त्रासाला सामोरे जावे लागत आहे. त्यातच उष्णतेच्या लाटेमुळे नागरिक हैराण झाले आहेत. याबाबत महावितरण कार्यालयाचे अधिकारी व कर्मचारी यांना फोन केला असता ते फोन उचलत नाही. त्यामुळे संतप्त झालेले नगरसेवक मनोज कोतकर यांनी महावितरणचे अधिकारी व कर्मचारी यांना जाब विचारत आज (शुक्रवार) कार्यालयाची तोडफोड केली.

• छगन भुजबळ : ‘विरोधी पक्षातील नेते पूर्णपणे संपविण्यासाठी भाजपकडून ईडीचा वापर’

महावितरण कार्यालयातील अधिकारी व कर्मचारी यांनी आपले संपर्क क्रमांक बदलले आहेत. त्यातच अघोषित भारनियमनामुळे नागरिक हैराण झाले आहेत. त्यामुळे नागरिक व लोकप्रतिनिधी यांनी महावितरण कार्यालयाशी संपर्क साधण्याचा प्रयत्न केला असता फोन लागत नाही. त्यामुळे नागरिक व लोकप्रतिनिधी संतप्त झाले आहेत.

• नाशिक : गोदा प्रदूषणमुक्तीसाठी जलतज्ज्ञ राजेंद्रसिंह यांचे महापालिकेला आवाहन

महावितरण विभागाकडून कुठलीही पूर्वसूचना न देता रात्री-अपरात्री विद्युत पुरवठा खंडित केला जातो. त्यामुळे नागरिकांना संपूर्ण रात्र उष्णतेच्या त्रासामुळे जागे राहून काढावी लागते. नागरिक त्रस्त झाल्याने त्यांनी लोकप्रतिनिधींशी संपर्क केला. परंतु, लोकप्रतिनिधींचा फोन महावितरणचे अधिकारी घेण्यास तयार नाहीत. त्यामुळे केडगाव येथील त्रस्त झालेले भाजप नगरसेवक मनोज कोतकर यांनी थेट केडगाव येथील महावितरण कार्यालय गाठून तोडफोड केली.

हेही वाचलंत का ? 

• कोरोनाबाधितांच्या संख्येत सौम्य वाढ; दिवसभरात १ हजार १०९ कोरोनाग्रस्तांची भर
• HBD Allu Arjun : ‘पुष्पा’ अभिनेता अल्लू अर्जुनच्या या ५ गोष्टी कदाचित तुम्हाला माहिती नसतील
• मॅडम सुंदर फोटो टाकता अन् तिकडं ऋतुराज गायकवाड शून्यावर आउट होतो, सायली संजीव ट्रोल