अमरावती, वर्ध्यातील नागरिकांनो पुढील दोन दिवस घराच्या बाहेर पडू नका; वादळी वाऱ्यासह जोरदार पावसाचा हवामान खात्याचा इशारा

पुणे, पुढारी वृत्तसेवा: अमरावती व वर्धा शहरात वादळी वाऱ्यासह जोरदार पाऊस व गारपिटीचा इशारा हवामान विभागाने दिला आहे. त्यामुळे आगामी दोन तासात नागरिकांनी घरातून बाहेर पडू नये, असं हवामान खात्यानं म्हटलं आहे.

गेल्या दोन दिवसांपासून आसाम व ओडिशा किनारपट्टीवर कमी दाबाचा पट्टा तयार झाला आहे. तसेच महाराष्ट्र ते कर्नाटक किनारपट्टीवरही कमी दाबाचा पट्टा तयार झाल्याने संपूर्ण राज्यात शुक्रवारी व शनिवारी वादळी वाऱ्यासह गारपिटीचा अंदाज वर्तवला आहे. शुक्रवार ७ एप्रिल रोजी दुपारी हवामान विभागाने विदर्भातील अमरावती व वर्धा शहराला ऑरेंज अलर्ट दिला आहे. या दोन्ही शहरात वादळी वाऱ्याचा वेळ ताशी 40 किमी असून यामध्ये कच्च्या घरांचे नुकसान होऊ शकते. तसेच वीजही पडू शकते. त्यामुळे दुपारी 4 ते 7 या वेळेत घराबाहेर पडू नका, असा इशारा हवामान विभागाने दिला. तसेच आगामी दोन तासात पुणे, ठाणे, सिंधुदुर्ग,रत्नागिरी या ठिकाणीही वादळी वाऱ्यासह हलक्या पावसाची शक्यता आहे