सोलापूर : जिल्हा परिषद, पंचायत समिती आरक्षण सोडतीवर २९ हरकती दाखल

सेालापूर; पुढारी वृत्तसेवा : जिल्हा परिषदेच्या 77 जागा आणि पंचायत समितीच्या जवळपास 154 जागांसाठीचे आरक्षण सोडत 29 जुलै रोजी काढण्यात आली होती. ज्या लोकांना यावर हरकती अथवा सूचना होत्या, त्यासाठी 2 ऑगस्टपर्यंत हरकती दाखल करण्याच्या सूचना केल्या होत्या. त्यानुसार जिल्हा परिषदेसाठी 19 तर पंचायत समितीसाठी 10 अशा एकूण29 हरकती दाखल झाल्या. त्यावर अभिप्राय देवून 5 ऑगस्टला अंतिम प्रसिद्धीकरण करण्यात येणार असल्याची माहिती महसुल प्रशासनाचे उपजिल्हाधिकारी विठ्ठल उदमले यांनी दिली.

जिल्हा प्रशासनाकडे दाखल झालेल्या सर्व हरकतीवर अभिप्राय देवून येत्या 5 ऑगस्टरोजी अंतिम प्रसिध्दी देण्यात येणार आहे.

तालुकानिहाय हरकतींची संख्या

• करमाळा तालुक्यातून जि. प.साठी 2 तर पंचायत समितीसाठी 4 अशा सहा हरकती दाखल झाल्या.
• माढा तालुक्यातून पंचायत समितीसाठी 1 हरकत दाखल.
• उ. सोलापूर तालुक्यात पं. समितीसाठी 1 हरकत दाखल.
• मोहोळमध्ये जि.प. साठी 2 हरकती दाखल झाल्या.
• पंढरपूर तालुक्यातून पंचायत समितीसाठी 1 आणि जि. प. साठी 1 अशा 2 हरकती दाखल झाल्या.
• सांगोला तालुक्यातून जि. प. साठी 3 हरकती दाखल.
• मंगळवेढा तालुक्यातून जि. प. साठी 2 आणि पंचायत समितीसाठी 2 अशा चार हरकती दाखल झाल्या.
• दक्षिण सोलापूर तालुक्यातून जि. प. साठी 4 तर पंचायत समितीसाठी 1 अशा सर्वाधिक पाच हरकती दाखल झाल्या.
• अक्‍कलकोट तालुक्यातून जि. प.साठी 2 हरकती आल्या.