हिवाळा सुरु झाला की सर्वात जास्त त्रास देणारी गोष्ट म्हणजे त्वचेचा कोरडेपणा. थंड वारे, कमी आर्द्रता आणि गरम पाण्याचा वापर यामुळे त्वचेतील नैसर्गिक तेल कमी होते आणि त्वचा कडक, खरखरीत आणि निस्तेज दिसू लागते. बाजारात मिळणारे क्रीम कधीकधी त्वचेवर सूट होत नाहीत किंवा त्यामध्ये जास्त केमिकल्स असतात. म्हणूनच अनेक जण घरच्या घरी नैसर्गिक मॉइश्चरायझर बनवण्यास प्राधान्य देतात. हे केवळ सुरक्षितच नसतात, तर त्वचेला अधिक खोलवर पोषण देतात.
हिवाळ्यात त्वचेची आर्द्रता जपण्यासाठी घरच्या किचनमध्ये मिळणाऱ्या काही साध्या साहित्यांचा वापर करून आपण नैसर्गिक मॉइश्चरायझर तयार करू शकतो. हे तीन पर्याय त्वचेसाठी अत्यंत माइल्ड, पौष्टिक आणि हिवाळ्यासाठी परफेक्ट आहेत.
पहिला पर्याय म्हणजे नारळ तेल आणि अॅलोवेरा जेलचं मॉइश्चरायझर. नारळ तेल त्वचेला खोलवर पोषण देते, तर अॅलोवेरा जेल त्वचेवर हलक्या थंडावा देत त्वचा शांत ठेवते. दोन्ही घटक त्वचेतील कोरडेपणा लगेच कमी करतात. समप्रमाणात दोन्ही गोष्टी मिसळून रात्री चेहऱ्यावर हलक्या मसाजसह लावले तर काही दिवसांत त्वचा मऊ आणि टवटवीत दिसू लागते.
दुसरा पर्याय म्हणजे शिया बटर आणि बदाम तेलाचं क्रीम. शिया बटर त्वचेचं नैसर्गिक संरक्षण करते आणि हिवाळ्यातील कटाक्ष कोरडेपणा पूर्णपणे कमी करते. त्यामध्ये बदाम तेल मिसळल्यास व्हिटॅमिन E त्वचेला अधिक मऊ, चमकदार आणि निरोगी ठेवते. हे क्रीम खूप रिच असल्याने विशेषत: अतिशय कोरडी किंवा फाटणारी त्वचा असलेल्या लोकांसाठी हा उत्तम पर्याय ठरतो.
तिसरा सोपा पर्याय म्हणजे ग्लिसरीन आणि गुलाबपाण्याचा मॉइश्चरायझर. हे दोन्ही घटक त्वचा हायड्रेट ठेवण्यासाठी सर्वात सुरक्षित आणि प्रभावी मानले जातात. ग्लिसरीन त्वचेतील ओलावा कायम ठेवते, तर गुलाबपाणी त्वचेला ताजेपणा देते. हा मिश्रण हलका असल्याने सर्व प्रकारच्या त्वचेसाठी योग्य आहे आणि दिवसभरही वापरता येतो.
हे सर्व मॉइश्चरायझर घरच्या घरी बनवणे अत्यंत सोपे आहे आणि त्यासाठी जास्त खर्चही येत नाही. मात्र सगळ्यात महत्त्वाचं म्हणजे कोणताही मिश्रण वापरण्यापूर्वी हाताच्या छोट्या भागावर पॅच टेस्ट करणं गरजेचं आहे. त्वचेला सूट झाल्यास हिवाळाभर हे नैसर्गिक मॉइश्चरायझर सुरक्षितपणे वापरता येतात.
नियमित वापर केल्यास त्वचा कोरडी पडण्याचा त्रास कमी होतो, चेहऱ्याची तजेला टिकून राहतो आणि त्वचा नैसर्गिकरीत्या हेल्दी दिसते. हिवाळ्यातील कडक हवामानाला त्वचा सहज तोंड देते आणि संपूर्ण सीझनभर मऊ, चमकदार राहते. त्यामुळे या हिवाळ्यात बाजारातील क्रीमवर अवलंबून न राहता घरच्या घरी नैसर्गिक, सुरक्षित आणि पोषक मॉइश्चरायझर तयार करा.
