![rashi khanna](http://media.assettype.com/pudhari%2Fimport%2Fwp-content%2Fuploads%2F2024%2F03%2Frashi.jpg?w=480&auto=format%2Ccompress&fit=max)
पुढारी ऑनलाईन डेस्क : राशी खन्ना तिच्या चित्रपट योद्धामुळे चर्चेत आलीय. यामध्ये सिद्धार्थ मल्होत्रा मुख्य भूमिकेत आहे. नुकत्याच झालेल्या पत्रकार परिषदेदरम्यान बहुमुखी अभिनेत्रीला तिच्या वास्तविक जीवनातील योद्धा कोण? याबद्दल विचारण्यात आले आणि याला उत्तर देताना अभिनेत्री म्हणाली, "माझी आई, माझे वडील आणि माझा भाऊ हे माझे योद्धा आहेत. (Rashi Khanna) मला वाटते की, मी जे काही मिळवले आहे, आज मी जिथे आहे, ते सर्व माझ्या आई-वडील आणि भावाकडून मिळालेल्या पाठिंब्यामुळे शक्य झाले आहे. माझ्या भावाने मला स्वत:बद्दल फारसा विश्वास नसतानाही मला प्रोत्साहन देऊन काम करण्याची प्रेरणा दिली आणि म्हणून मी आज इथपर्यंत आहे." (Rashi Khanna)
'फर्जी' नंतर लोकांच्या तिच्याकडून असलेल्या अपेक्षा खूप आहेत. "लोकांनी मला एक अभिनेत्री म्हणून पाहिलं पण 'फर्जी'नंतर मला एक कलाकार म्हणून मान मिळाला. लोकांच्या माझ्याकडून अपेक्षा वाढल्या आहेत. पुन्हा एकदा मी या चित्रपटात दिसणार असून मला याबद्दल उत्सुकता आहे."
योद्धा चित्रपटात तिने एका सरकारी अधिकाऱ्याची भूमिका साकारली आहे. याशिवाय सिद्धार्थ मल्होत्रा, राशी हे 'द साबरमती रिपोर्ट' आणि 'टीएमई' मध्ये दिसणार आहे, ज्यात विक्रांत मेसी आहे. तिच्याकडे तमिळ चित्रपट 'अरनमानई 4' आणि तेलुगू चित्रपट 'तेलुसू काडा' देखील आहे.