नगर : राहुरी तालुक्यातील 11 ग्रामपंचयातीच्या निकालाची उत्कंठा शिगेला पोहोचली असतानाच मतमोजणीच्या धक्कादायक निकालाने राष्ट्रवादी व भाजप मधील रस्सीखेच दिसून आली आहे. 4 ग्रामपंचायत निकाल जाहीर झाले असून माजी राज्यमंत्री प्राजक्त तनपुरे यांच्या गडात विखे गटाने जोरदार मुसंडी मारली आहे.
विखे- कर्डीले गट एकत्र असलेल्या भाजप ने 3 ग्रामपंचयातीवर झेंडा फडकवला तर राष्ट्रवादीला मांजरी ग्रामपंचायतीवर झेंडा फडकविण्यात यश आले आहे. विशेष म्हणजे मानोरी, सोनगाव व कोल्हार खुर्द या तीन ग्रामपंचयातीच्या निवडणुकीत राष्ट्रवादीने माघार घेतली होती. भाजपने विजय मिळविलेल्या तिन्ही ग्रामपंचायत लढतीत भाजप यश मिळविणार हे निश्चित होते. राष्ट्रवादीच्या ताब्यात मांजरी ग्रामपंचायतची एकहाती सत्ता आली आहे.
