Tunisha Sharma : ‘त्याने मला फसवलं’, तुनिषाने अखेरीस काकांना केला होता फोन

पुढारी ऑनलाईन डेस्क : टीव्ही अभिनेत्री तुनिषा शर्मा (Tunisha Sharma) च्या मृत्यूनंतर अनेक मोठे खुलासे समोर येत आहेत. अभिनेत्रीचे फॅन्स आतापर्यंत या गोष्टीवर विश्वास ठेवत नाहीत. तुनिषाचे मित्र आणि कुटुंबीय धक्क्यात आहेत. दरम्यान, तुनिषाच्या काकांचा जबाब समोर आला आहे. तुनिषाचे काका म्हणाले- तुनिषाचा मला फोन आला होता. ती म्हणाली की, त्याने मला फसवलंय. (Tunisha Sharma)

• …तोपर्यंत कर्नाटकव्याप्त महाराष्ट्र केंद्रशासित प्रदेश करा, उद्धव ठाकरेंची विधान परिषदेत मागणी

तुनिषाचे काका म्हणाले-'ती मागील काही दिवसांपासून तणावात होती. तुनिषाला नॉर्मल राहायचं होतं. पण काही गोष्टी तिच्या मनाला लागल्या होत्या, ज्यामुळे ती तणावात होती. त्यामुळे १० दिवस आधी तिला एंजायटी ॲटॅक आला होता.'

• Aadhaar-PAN Link : 'आधार-पॅन लिंकिंग'साठी ३१ मार्च डेडलाईन; …असे करा लिंक

काकांनी सांगितलं की, 'तुनिषा प्रेग्नेंट नव्हती. जेव्हा ते लडाख ट्रिपवर गेले होते. तेव्हा तिच्या आणि शीजानच्या दरम्यान, जवळीकता वाढली. दोघे एकमेकांशी तासनतास बोलायचे. तुनिषा शीजानच्या घरी जायची. शीजानच्या कुटुंबातील सदस्यांनाही तुनिषा आवडायची. मग, जेव्हा तिला एंजायटी अॅटॅक आला तेव्हा आम्हाला समजलं की, शीजान तिला धोका देत आहे. ही गोष्ट १६ डिसेंबरची आहे. तुनिषा सेटवर शूटिंग करत होती. तेव्हा अचानक तिची तब्येत बिघडली. सेटवरील उपस्थित लोक तिला बोरीवली रुग्णालयात घेऊन गेले. जेव्हा आम्ही तेथे गेलो तेव्हा एकच गोष्ट म्हणत होती-'त्याने मला धोका दिला आहे, तो माझ्यासोबत असं कसं करु शकतो?"

• Shraddha Walker Murder Case : आफताबची श्रद्धासोबतच्या भांडणाची ऑडिओ क्लिप पोलिसांच्या हाती, व्हॉईस सॅम्पलिंग चाचणीतून होणार पुष्टी

काका म्हणाले की-'ती नेहमी चीटिंगच्या गोष्टी करत होती. यानंतर तिच्या आईने शीजानलादेखील समजवलं होतं. त्याला नातं ठेवायंच नव्हतं तर त्याने इतकी जवळीकता का वाढवली? आम्ही म्हणतो की, याप्रकरणात जो कोणी दोषी आहे, त्याला शिक्षा मिळायला हवी.'

• सांगली : इस्लामपुरात गुन्हेगारीने पुन्हा डोके वर काढले
• Nashik :.. म्हणून त्र्यंबकेश्वर मंदिरातील गर्भगृह दर्शन बंद होण्याची शक्यता
• राज्यस्तरीय साहित्य संमेलन : महिलांच्या हातात लेखणी येण्यासाठी अनेक पिढ्या झिजल्या