घाऊक महागाई दर १०.७ टक्क्यांवर

नवी दिल्ली; पुढारी वृत्तसेवा : खाद्यान्न श्रेणीतील वस्तू तसेच इंधनाचे दर काही प्रमाणात कमी झाल्याच्या पार्श्वभूमीवर सरत्या सप्टेंबर महिन्यात घाऊक महागाई निर्देशांक ऑगस्टमधील १२.४१ टक्क्यांच्या तुलनेत १०.७ टक्क्यांवर आला आहे. सलग चौथ्या महिन्यात घाऊक महागाई निर्देशांक कमी झाला आहे. गतवर्षीच्या सप्टेंबरमध्ये हा दर ११.८० टक्के इतका होता.

चालू वर्षीच्या सुरुवातीला घाऊक महागाई निर्देशांक १५.८८ टक्क्यांच्या उच्चांकी स्तरावर गेला होता. तेव्हापासून या निर्देशांकात घट झाली असली तरी अजुनही हा निर्देशांक दहा टक्क्यांच्या वरच आहे. सरत्या महिन्यात खाद्यान्न श्रेणीचा निर्देशांक १२.३७ टक्क्यांच्या तुलनेत ११.०३ टक्के इतका नोंदवला गेला.

• मोकळ्या भूखंडावर टाकला जातोय कचरा

वार्षिक तत्वावर भाजीपाल्याच्या दरात मात्र, ३९.६६ टक्क्यांची वाढ नोंदवली गेली आहे. इंधन आणि ऊर्जा क्षेत्राचा निर्देशांक ३३. ६७ टक्क्यांच्या तुलनेत ३२.६१ टक्के इतका नोंदवला गेला. घाऊक महागाई निर्देशांक बऱ्यापैकी खाली आलेला असला तरी किरकोळ महागाई दर मात्र, अजुनही चिंताजनक स्तरावर आहे. सरत्या महिन्यात किरकोळ महागाई निर्देशांक पाच महिन्यांच्या उच्चांकी स्तरावर म्हणजे, ७.४१ टक्क्यांवर गेला होता.

हेही वाचलंत का? 

• 'डीपीडीसी'तून मत्स्यव्यवसाय विकासाकरिता निधी मिळणार, मंत्री मुनगंटीवार यांचा निर्णय
• सांगली : शिक्षकांच्या भविष्य निर्वाह निधीच्या प्रलंबित पावत्या एका महिन्यात देणार : किशोरी करमुसे
• Stock Market Updates | सेन्सेक्स तेजीत, गुंतवणूकदारांच्या संपत्तीत ३.३७ लाख कोटींची वाढ, IT कंपन्यांचे शेअर्स वधारले