Twitter Account : भारतात पाकिस्तान सरकारचे ट्विटर खाते रोखले

पुढारी ऑनलाइन डेस्क :Twitter Account : पाकिस्तान सरकारचे ट्विटर खाते शनिवारी (1 ऑक्टोबर 2022) भारतात रोखण्यात आले. मात्र, याबाबत अद्याप तरी दोन्ही बाजूंनी कोणतीही अधिकृत माहिती मिळालेली नाही. मिळालेल्या माहितीनुसार कायदेशीर मागणीला प्रतिसाद म्हणून ही कारवाई करण्यात आली आहे.

Twitter Account  : गेल्या काही महिन्यांतील अशा प्रकारची ही दुसरी घटना असल्याचे सांगण्यात येत आहे. यापूर्वी, हे खाते जुलैमध्ये देखील रोखले गेले होते. परंतु ते पुन्हा सक्रिय करण्यात आले होते आणि ते दृश्यमान होते. 1 ऑक्टोबर 2022 रोजी खात्याने पुन्हा भारतात रोखल्याचा संदेश प्रदर्शित केला- "@GovtofPakistan खाते एका कायदेशीर मागणीला प्रतिसाद म्हणून भारतात रोखले गेले आहे."

Twitter Account : भारतातील ट्विटरने यापूर्वी यूएन, तुर्की, इराण आणि इजिप्तमधील पाकिस्तानी दूतावासांच्या अधिकृत खात्यांवर बंदी घातली. जूनमध्ये ही कारवाई करण्यात आली. तसेच 8 बनवावट यु ट्यूब वृत्त चॅनेल ब्लॉक करण्यात आले. यामध्ये एक खाते पाकिस्तानमधून कार्यरत होते. ब्लॉक केलेले भारतीय YouTube चॅनेल बनावट आणि खळबळजनक लघुप्रतिमा, न्यूज अँकरच्या प्रतिमा आणि काही टीव्ही न्यूज चॅनेलचे लोगो वापरून बातम्या अस्सल असल्याचा विश्वास दर्शकांची दिशाभूल करत असल्याचे आढळून आले. तर भारतविरोधी बनावट सामग्री पोस्ट केल्याबद्दल एक फेसबुक खाते बंद करण्यात आले आहे. ऑगस्ट 2022 मध्ये ही कारवाई करण्यात आली.

2021 अंतर्गत आणीबाणीचे अधिकार लागू करून ही कारवाई करण्यात आली आहे. या हालचालीचे आदेश 16 ऑगस्ट रोजी होते, असे माहिती आणि प्रसारण मंत्रालयाने एका निवेदनात म्हटले आहे.

Twitter Account : आतापर्यंत केंद्र सरकारने भारताविरुद्ध द्वेष पसरवणाऱ्या 100 हून अधिक यूट्यूब चॅनेल, 4 फेसबुक पेज, 5 ट्विटर अकाऊंट आणि 3 इन्स्टाग्राम खाती ब्लॉक केली आहेत.

हे ही वाचा :

PFI वर डिजिटल स्ट्राइक, संघटनेचे अधिकृत ट्विटर अकाउंट केले बंद

#RSS_मुख्यालय_घेराव हा ट्विटरवर सुरू असलेला ट्रेंड नेमका आहे तरी काय?