पुणे : स्व. खाशाबा जाधव यांच्या जन्मदिनाच्या दिवशी राज्य क्रीडा दिन म्हणून साजरा करावा, अशी मागणी प्रथम मॉर्डन पॅन्टॅथलॅान असोसिएशन ऑफ महाराष्ट्राचे उपाध्यक्ष अमित गायकवाड यांनी केली होती. या मागणीची प्रथम दखल दै. 'पुढारी'च्या वतीने घेत सातत्याने त्यावर प्रकाश टाकला. अखेर सहा वर्षांनंतर या राज्य क्रीडा दिनाला न्याय मिळाला असून, यापुढे दि. 15 जानेवारी हा राज्य क्रीडा दिन म्हणून साजरा केला जाणार आहे.