सोलापूर : अक्‍कलकोट-गाणगापूर रोडवर कारचा भीषण अपघात; ५ जण ठार, २ गंभीर जखमी

सोलापूर ; पुढारी वृत्‍तसेवा अक्कलकोट- गाणगापूर रोडवर कर्नाटक हद्दीत बळुरगी गावाजवळ भरधाव कारचा टायर फुटल्याने गाडीवरील ताबा सुटून गाडी झाडावर आदळली. या अपघातात कारमधील चार महिला व चालक जागीच ठार झाल्याची घटना घडली. या अपघातात दोनजण गंभीर जखमी झाले. आज (शुक्रवार) दुपारी तीन वाजण्याच्या सुमारास हा भीषण अपघात घडला.

• अमरावती : मुलाच्या वाढदिवसाला पती न आल्‍याने पीएसआयच्या पत्‍नीची आत्‍महत्‍या

हा अपघात एवढा भीषण होता की, पाचही जण जागेवरच ठार झाले. या अपघाताच्या घटनेची अफझलपूर पोलीस स्टेशन मध्ये गुन्हा दाखल करण्याचे काम रात्री उशिरापर्यंत सुरु होते. बाबासाहेब सखाराम वीर, कोमल बाबासाहेब वीर, राणी बाबासाहेब वीर, अणव हिराबाई, छाया बाबासाहेब वीर यांचा जागीच मृत्यू झाला. तर साहिली बाबासाहेब वीर, चैत्राली दिनकरा सुरवशी गंभीर जखमी झाले.

• russia ukraine war : व्लादिमीर पुतिन यांना चीनने दिला धोका, रशियाला भारताकडून अपेक्षा

कारमधील सर्वजण दगावल्‍याने व दोनजण वाचलेले गंभीर जखमी असल्याने अहमदनगर वरून नातेवाईक निघाले आहेत. ते आल्यावरच रात्री उशिरा फिर्याद दाखल होईल अशी माहिती अफझलपूरचे पीएसआय विश्वनाथ मुदरेड्डी यांनी दिली. सर्व प्रवाशी अहमदनगरचे असल्याची प्राथमिक माहिती मिळत आहे. ते कर्नाटकातील प्रसिध्द दत्त मंदिर गाणगापूर येथे दर्शन करून अक्कलकोट मार्गे अहमदनगरकडे जात होते.

• COVID Lockdown in China : ९० लाख लोकसंख्येच्या शहरात कोरोनाचे २ रुग्ण ; चीनने लावला थेट लॉकडाऊन