कसबा बावडा, पुढारी वृत्तसेवा : कसबा बावडा येथील छत्रपती राजाराम सहकारी साखर कारखान्याच्या पंचवार्षिक निवडणुकीसाठी रविवारी कार्यक्षेत्रातील ५८ केंद्रांवर १३ हजार ५३८ पैकी १२ हजार ३३६ (९१.१२ टक्के) मतदान झाले होते. आज मतमोजणी होत असून या निवडणुकीत आमदार सतेज पाटील व माजी आमदार महादेवराव महाडिक यांची प्रतिष्ठा पणाला लागली आहे. कोल्हापूर, सांगलीसह संपूर्ण पश्चिम महाराष्ट्राचे लक्ष या निवडणुकीकडे लागले आहे.
दुसऱ्या फेरीतही सत्ताधारी महाडिक गटाचे उमेदवार आघाडीवर आहेत. दरम्यान, कसबा बावडा परिसरात विरोधी गटाला ६६ टक्के, तर महाडिक गटाला ३४ टक्के मते पडली आहेत. इतर ठिकाणी महाडिक गटाची सरशी दिसून येत आहे.
महाडिक गट-
कल्पना पाटील (टोप, ता. हातकणंगले) – 3255
वैष्णवी नाईक (कांडगाव, ता करवीर) – 3195
आमदार सतेज पाटील गट :
निर्मला पाटील (निगवे दुमाला, ता. करवीर) – 2493
पुतळाबाई मगदूम (कांडगाव, ता. करवीर) – 2345
सत्ताधारी महाडिक गट :
संतोष पाटील (यवलूज, ता. पन्हाळा) – 3219
आमदार सतेज पाटील गट :
मानसिंग खोत (नरंदे, ता. हातकणंगले) – 2456
सत्ताधारी महाडिक गट :
सुरेश तानगे (कुभोज, ता. हातकणंगले) – 3265
आमदार सतेज पाटील गट :
आण्णा रामण्णा (पट्टणकोडोली, ता. हातकणंगले) – 2419
सत्ताधारी महाडिक गट :
नंदकुमार भोपळे (चोकाक, ता, हातकणंगले) – 3193
आमदार सतेज पाटील गट :
बाबासो देशमुख (शिरोली पु., ता. हातकणंगले) – 2371
सत्ताधारी महाडिक गट :
गोविंद चौगले (सोन्याची शिरोली) – 3246
डॉ. विश्वास बिडकर (धामोड) – 3163
आमदार सतेज पाटील गट :
दगडू चौगले (धामोड, ता. राधानगरी) – 2413
शांताराम पाटील (सावर्धन, ता.राधानगरी) – 2398
व्यक्ती उत्पादक सभासद गट क्रमांक पाच मध्ये पहिल्या फेरीत सत्ताधारी गटाचे दिलीप उलपे आणि नारायण चव्हाण आघाडीवर
सत्ताधारी महाडिक गट :
दिलीप यशवंत उलपे (कसबा बावडा) – 3200
नारायण बाळकृष्ण चव्हाण (कसबा बावडा) – 3130
आमदार सतेज पाटील गट :
विजयमाला विश्वास नेजदार (कसबा बावडा) – 2375
मोहन रामचंद्र सालपे (कसबा बावडा) – 2302
सत्ताधारी महाडिक गट :
तानाजी कृष्णात पाटील (गडमुडशिंगी, ता. करवीर) – 3148
दिलीपराव भगवान पाटील (शिरोली पु., ता. हातकणंगले) – 3217
मिनाक्षी भास्कर पाटील (वाशी, ता. करवीर) – 3144
आमदार सतेज पाटील गट :
दिनकर भिवा पाटील (वाशी, ता. करवीर) – 2176
सुरेश भिवा पाटील (वाशी, ता. करवीर) – 2395
संभाजी शंकर पाटील (वाशी, ता. करवीर) – 2333
सत्ताधारी महाडिक गट :
डॉ. मारूती भाऊसो किडगांवकर (निगवे दु. ता. करवीर) – 3129
विलास यशवंत जाधव (शिये, ता. करवीर) – 2934
कृष्णा सर्जेराव पाटील (वडणगे, ता करवीर) – 3051
आमदार सतेज पाटील गट :
बळवंत रामचंद्र गायकवाड (आळवे, ता. पन्हाळा) – 2158
विलास शंकर पाटील (भुये, ता. करवीर) – 2068
विठ्ठल हिंदुराव माने (वडणगे, ता. करवीर) – 2361
सत्ताधारी महाडिक गट :
शिवाजी रामा पाटील (लाटवडे, ता. हातकणंगले) – 3198
सर्जेराव बाबुराव भंडारे (नरंदे, ता. हातकणंगले) – 3173
अमल महादेवराव महाडिक – 3358
आमदार सतेज पाटील गट :
शिवाजी ज्ञानू किबिले (कुंबोज. ता. हातकणंगले) – 2261
दिलीप गणपतराव पाटील (टोप, ता. हातकणंगले) – 2328
अभिजीत सर्जेराव माने (भेंडवडे, ता. हातकणंगले) – 2184
सत्ताधारी महाडिक गट :
भोसले विजय वसंत (रूकडी, ता. हातकणंगले) – 3244
मगदूम संजय बाळगोंडा (रूई, ता. हातकणंगले) – 3169
आमदार सतेज पाटील गट :
बेनाडे शालन बाबुराव (रुई, ता. हातकणंगले) – 2441
भोसले किरण बाबासो(रूकडी, ता. हातकणंगले) – 2413
29 टेबलवर दोन फेर्यांमध्ये मतमोजणी होत आहे. पहिली फेरी सकाळी आठ ते दुपारी एक, तर दुसरी फेरी दुपारी दोन ते सायंकाळी सहा या दरम्यान होणार आहे. पहिल्या फेरीत 1 ते 29 मतदान केंद्रातील तर दुसर्या फेरीत 30 ते 58 मतदान केंद्रातील मतमोजणी होईल.
मतदानापूर्वी झालेले टोकाचे आरोप-प्रत्यारोप आणि अटीतटीने झालेले मतदान यामुळे मतमोजणी वेळी खबरदारीचा उपाय म्हणून सत्तारूढ आघाडीच्या समर्थकांना ड्रीमवर्ल्ड वॉटरपार्क जवळ धोबी घाट येथे तर विरोधी परिवर्तन आघाडीच्या समर्थकांना नियोजित शंभर फुटी रिंगरोडवर थांबण्यास पोलिसांकडून सुचना देण्यात आली आहे. निकालानंतर कोणताही अनुचित प्रकार घडू नये यासाठी पोलिसांनी खबरदारी घेतली असून चोख बंदोबस्त ठेवला आहे.
छत्रपती राजाराम साखर कारखान्याच्या पंचवार्षिक निवडणुकीसाठी दि.२३ रोजी मतदान झाले. ७ तालुक्यातील ५८ मतदान केंद्रांवर ९१.१२ टक्के चुरशीने व अटीतटीने मतदान झाले. संस्था गटात १२९ पैकी १२८ मतदारांनी मतदान केले. तर १३ हजार ५३८ पैकी १२ हजार ३३६ मतदारांनी आपला मतदानाचा हक्क बजावला. गत निवडणुकीच्या तुलनेत एका टक्क्याने वाढलेले मतदान कोणाच्या पथ्यावर पडणार ? याकडे सभासदांचे लक्ष लागून राहिले आहे.