सांगली : शिवसेनेच्या माजी नगरसेविकेच्या पतीवर हल्ला, गंभीर जखमी

इस्लामपूर; पुढारी वृत्तसेवा: येथील शिवसेनेच्या माजी नगरसेविका प्रतिभा शिंदे यांचे पती शिवकुमार शिंदे यांना आज सोमवारी सकाळी अज्ञात पाच ते सहा जणांनी काठ्या व लोखंडी राँडने मारहाण केली. यामध्ये त्यांच्या हाताला व पायाला गंभीर दुखापत झाली आहे. त्यांना उपचारासाठी सांगली येथील सिव्हिल रुग्णालयात दाखल करण्यात आले आहे. राजकीय वादातून ही मारहाण झाल्याची चर्चा सर्वत्र पसरली आहे.

याबाबत पोलिसांनी दिलेली माहिती अशी, सोमवारी (दि.२५) रोजी सकाळी साडेआठ वाजण्याच्या सुमारास येथील हनुमान नगरमध्ये शिंदे यांच्या घरासमोरच मारहाणीची ही घटना घडली आहे. मोटार सायकलवरुन आलेल्या पाच ते सहा जणांनी शिवकुमार शिंदे यांना मारहाण केली. या सर्वांनी तोंड बांधलेले होते. या घटनेनंतर परिसरातील लोकांनी जखमी शिंदे यांना येथील उपजिल्हा रुग्णालयात उपचारासाठी दाखल केले. त्यानंतर त्यांना पुढील उपचारासाठी सांगली येथे नेण्यात आले.

• पिंपरी : पत्नीला जिवे मारण्याचा प्रयत्न; पतीस अटक

शिवकुमार शिंदे हे शिवसेनेच्या माजी नगरसेविका प्रतिभा शिंदे यांचे पती आहेत. प्रभाग ४ मधून शिवसेनेचे जिल्हाप्रमुख आनंदराव पवार व प्रतिभा शिंदे या निवडून आल्या होत्या. सभागृहाचा कार्यकाल संपत आल्यानंतर शहराचे इश्वरपूर असे नामकरण करण्याची मागणी शिवसेनेने केली होती. या नामांतरणाचा ठराव घेण्यासाठी बोलविण्यात आलेल्या पालिकेच्या सभेस नगरसेविका शिंदे या गैरहजर होत्या. तेव्हापासून त्यांचे शिवसेनेशी बिनसल्याची चर्चा होती. प्रतिभा शिंदे या सेनेच्या महिला आघाडीच्या पदाधिकारी ही आहेत. त्यांच्या पतींना मारहाण झाल्याने शहरात एकच खळखळ माजली आहे.

हेही वाचलंत का? 

• मेट्रो कारशेड प्रकल्पाजवळ बेकायदा वृक्षतोड; पर्यावरणप्रेमी आक्रमक
• Droupadi Murmu : द्रौपदी मुर्मू यांनी घेतली राष्ट्रपती पदाची शपथ…
• जे नेते पक्षातून गेले त्यांनी संघटना किती वाढवली हा प्रश्नच : आमदार सचिन अहिर