Sharayu Sonawane : पारू गं पारू! ऑडिशनची कहाणी…शरयूच्या आईची कमाल पाहाच

पुढारी ऑनलाईन डेस्क : 'पारू' ची निरागस अदा सगळ्यांच्या मनात कोरली गेली आहे. मग तिचं ते गोड हसणं किंवा नि:स्वार्थपणे लोकांची काळजी घेणं असो. 'पारू' ची भूमिका साकारणारी शरयू सोनावणेने सांगितली पारूच्या ऑडिशनची कहाणी. ती म्हणाली, "मला कॉल आला होता की पारू नावाची भूमिका आहे. (Sharayu Sonawane) ऑडिशनला येऊ शकशील का आणि मी लगेच हो म्हणाले. नंतर मला कळलं की मी शेवटीच मुलगी होती त्या ऑडिशन लिस्ट मधली. ऑडिशनच्या मागची मजेशीर गोष्ट मला सांगयला आवडेल. (Sharayu Sonawane)

संबंधित बातम्या –

• Lagna Kallol : मयुरी देशमुख, सिद्धार्थ जाधव, भूषण प्रधानच्या लग्नाचा कल्लोळ
• Shreyas Talpade-Gauri Ingawale : श्रेयस तळपदे -गौरी इंगवलेची जुळणार 'ही अनोखी गाठ'?
• लावणी सम्राज्ञी सुरेखा पुणेकर, किरण कोरे यांचं 'घुंगराची चाळं' गाणं पाहिलं का? 

तुम्ही पारूचा लुक पाहिलाच असेल, पारू एक गावाकडची मुलगी आहे परकर पोलकं घालते. ज्या दिवशी ऑडिशनसाठी कॉल आला त्यावेळी मी कामानिमित्त बाहेर होते. मी आईला कळवले की परकर पोलकं घालून एक ऑडिशन शूट करायचं आहे. तेव्हा माझी आई ताबडतोब परकर पोलकं आणायला बोरिवली हुन लालबागला गेली. तिथे तिला सापडले नाही मग ती तिथून दादर मार्केटला गेली तिथे फायनली एका दुकानात तिला परकर पोलकं मिळालं, माझ्या आईनेच मोबाईलवर ऑडिशन शूट केलं. पारू ह्या पात्रासाठी माझी निवड झाली याच श्रेय मी आईला देईन. तिच्या मेहनत आणि आशिर्वादाने ते ऑडिशन इतक्या छानपणे पार पडले.

शरयू म्हणते- माझा परिवार, नातेवाईक आणि मित्र मंडळी खूप खुश झाले जेव्हा त्यांनी पारूच्या प्रोमो पाहिला आणि त्याहून जास्त आनंद त्यांना ह्या गोष्टीचा झाला की, मी झी मराठीची मालिका करतेय कारण झी मराठीच्या मालिका लोकांच्या मनात वेगळेच घर करून जाते. सगळे अतिशय खुश आहेत आणि सोशल मीडियावर ही मला छान प्रतिसाद मिळत आहे.

मालिकेमध्ये पारू सोबत एक गोडशी बकरी आहे जी तिची मैत्रीण आहे. पारूने तिचं नाव वैजू ठेवलंय. पारूला आई नाही, त्यामुळे तिच्या सुख दुःखात क्षणात वैजूच तिची जवळची मेत्रीण आहे. मला मुळात प्राणी खूप आवडतात त्यांना कसं सांभाळायचं हे मला चांगलं जमतं. मीच वैजूला खाऊ घालते आणि तिच्याशी खेळते. कधी -कधी जेव्हा आमच्या शूटचं दुसरीकडे शिफ्टिंग होत असत तेव्हा तिचं म्हणणं असत कीं तिला ही सोबत घेऊन जायचं आणि हे ती तिच्या खुणांच्या भाषेनी सांगते. माझं वैजूशी फक्त ऑनस्क्रीन नाही तर ऑफस्क्रीन ही वेगळंच ट्युनिंग आहे. माझ्या बद्दल बोलायचं झालं तर मी शास्त्रीय नर्तक आहे. भरतनाट्यम् मध्ये १५ वर्ष प्रशिक्षण घेतले आहे. मी हेमा मालिनीजींसोबत योशोदा कृष्णामध्ये ही स्टेजवर परफॉर्म केले आहे. मला फिरायला आणि पेन्टिंग करायला खूप आवडतं, असेही तिने सांगितले.