पुणे : पुणे, छत्रपती संभाजीनगर व गोंदिया शहराच्या किमान तापमानात साडेतीन ते चार अंशांनी घट होऊन पारा 14.4 अंशांवर खाली आला. शुक्रवारी राज्यातील सर्वांत कमी तापमान या तीन शहरांत होते. राज्यातील हवामान शुष्क आणि कोरडे झाल्याने थंडी पडण्यास सुरुवात झाली आहे. गुरुवारी जळगावचे किमान तापमान 18 वरून 11 अंशावर खाली आले होते. त्यापाठोपाठ शुक्रवारी पुणे शहराचे किमान तापमान 17.5 वरून 14.4 अंशांवर, तर गोंदियाचे तापमानही 18 वरून 14.4 अंशांवर खाली आले होते. राज्यातील बहुतांश शहरांच्या किमान तापमानात शुक्रवारी 3 ते 6 अंशांनी घट झाली.
पुणे 14.4, छत्रपती संभाजीनगर 14.4, गोंदिया 14.4 नाशिक 15, महाबळेश्वर 15.6, नाशिक व परभणी 16.5, सातारा 16.5, सांगली 18.1, सोलापूर 16.5, नांदेड 18.2, अकोला 17, अमरावती 16, चंद्रपूर 16.4.
हेही वाचा
