[web_stories title="true" excerpt="false" author="false" date="false" archive_link="true" archive_link_label="Web Stories" circle_size="150" sharp_corners="false" image_alignment="left" number_of_columns="1" number_of_stories="10" order="ASC" orderby="post_date" view="circles" /]
पुढारी ऑनलाईन डेस्क : Prithvi Shaw vs Sapna Gill : दिल्ली कॅपिटल्सचा सलामीवीर फलंदाज पृथ्वी शॉ आयपीएलमध्ये अपयशी ठरत आहे. त्यातच आता मैदानाबाहेरही त्याच्या अडचणीत वाढ होण्याची शक्यता निर्माण झाली आहे. सोशल मीडिया इन्फ्लयुएन्सर सपना गिलविरोधात मुंबईच्या रस्त्यावर झालेल्या वादातून हायकोर्टाने पृथ्वी शॉ याला नोटीस पाठवली आहे.
फेब्रुवारीमध्ये पृथ्वी शॉ आणि सोशल मीडिया इन्फ्लूएंसर सपना गिल यांच्यात सेल्फी घेण्यावरून वाद झाला होता. या वादाचा व्हिडीओ सोशल मीडियावर व्हायरलही झाला होता. त्यानंतर पृथ्वी शॉ याने सपना गिलविरोधात मारहाण आणि पैसे मागितल्याचा आरोप करत पोलिसांत एफआयाअर दाखल केली. (Prithvi Shaw vs Sapna Gill)
यानंतर पोलिसांनी सपना आणि तिच्या एका मित्राविरुद्ध गुन्हा नोंदवून त्यांना अटक केली. मात्र त्यानंतर सपना गिलने तिच्यावरील एफआयआरविरोधात मुंबई हायकोर्टात याचिका दाखल केली. ज्यामध्ये तिने पृथ्वी शॉवर बॅटने मारहाण आणि छेडछाड केल्याचा आरोप केला होता. याच याचिकेच्या आधारे मुंबई हायकोर्टाच्या वतीने पृथ्वी शॉसह 11 जणांना नोटिसा पाठवण्यात आल्या आहेत. यात काही पोलीस अधिकाऱ्यांचा समावेश आहे. कर्तव्य चोख बजावत नसल्याबद्दल मुंबई हायकोर्टाने दोन पोलीस अधिकाऱ्यांना नोटीस पाठवली आहे. (Prithvi Shaw vs Sapna Gill)