पुणे : पुढारी वृत्तसेवा : राष्ट्रसेवा समूह दल येथे ज्येष्ठ पत्रकार निखिल वागळे यांच्यावर भाजपचे पदाधिकारी आणि कार्यकर्त्यांनी जीवघेणा हल्ला केला. याप्रकरणात किरकोळ गुन्हे दाखल करुन गुन्हेगारांना पाठीशी घालण्याचे काम पुणे पोलिस करीत आहेत. त्यामुळे पुणे पोलिस आणि भाजपाच्या विरोधात निदर्शने करण्यात येतील, असा इशारा युवक क्रांती दलाचे संस्थापक अध्यक्ष व ज्येष्ठ समाजसेवक डॉ. कुमार सप्तर्षी यांनी दिला. रिपब्लिकन युवा मोर्चाच्या वतीने पत्रकार परिषद आयोजित करण्यात आली होती. त्यावेळी ते बोलत होते. याप्रसंगी मोर्चाचे राहुल डंबाळे, उध्दव बाळासाहेब ठाकरे शिवसेनेचे गजानन थरकुडे, काँग्रेसचे शहराध्यक्ष अरविंद शिंदे यांसह मान्यवर उपस्थित होते.
