Salary hike in India | देशात यंदा कोणत्या क्षेत्रात किती पगारवाढ?, एंट्री लेव्हल कर्मचार्‍यांची काय स्थिती, वाचा फाउंडिटचा रिपोर्ट

पुढारी ऑनलाईन : जॉब एग्रीगेटर प्लॅटफॉर्म फाउंडिट (foundit) जे यापूर्वी मॉन्स्टर APAC आणि ME म्हणून ओळखले जात होते, त्यांच्या ताज्या अहवालात असे उघड झाले आहे की भारतातील सुमारे ६० टक्के एंट्री लेव्हल कर्मचार्‍यांना या अप्रायझल हंगामात (अप्रायझल) पगारवाढ मिळालेली नाही. (Salary hike in India)

बहुतांश एंट्री लेव्हल कर्मचार्‍यांना पगारवाढ नाही

यंदाच्या अप्रायझलमध्ये बहुतांश एंट्री लेव्हल कर्मचार्‍यांना कोणतीही वाढ मिळालेली नाही. "एंट्री स्तरावरील ६२ टक्के प्रोफेशनल्सनी (०-३ वर्षांचा अनुभव) दावा केला की त्यांना या वर्षी कोणतेही अप्रायझल मिळाले नाही. त्यापैकी १० टक्के लोकांना ५ ते १० टक्के पगारवाढ मिळाली आहे, तर ९ टक्के लोकांना ० ते ५ टक्के पगारवाढ मिळाली आहे." असे या अहवालात नमूद करण्यात आले आहे.

अहवालात असे अधोरेखित करण्यात आले आहे की कंपन्या मोबदल्यात आर्थिक वाढीशिवाय कर्मचार्‍यांना भरपाई देण्यासाठी पर्यायी पद्धतीदेखील शोधत आहेत.

फाउंडिटचे सीईओ शेखर गारिसा यांनी म्हटले आहे की, "फाउंडिट अप्रायझल ट्रेंड अहवालात असे दिसून आले आहे की कंपन्या पगारवाढीसाठी अतिरिक्त आणि पर्यायी व्हेरिएबल्स, जसे की ईएसओपी, बोनस आणि प्रमोशन्सचादेखील पर्याय शोधत आहेत."

अप्रायझल न मिळालेल्या ४९ टक्के कर्मचाऱ्यांना कर्मचारी स्टॉक ओनरशिप प्लॅन्स (ESOPs) आणि त्यांच्या नियोक्त्यांद्वारे बोनस देऊन प्रोत्साहन दिले गेले. तसेच पगारवाढ न मिळालेल्या २० टक्के व्यक्तींना प्रमोशन्स ऑफर करण्यात आली आहे. ज्यातून असे दिसून येते की करिअर वाढीच्या संधी तात्काळ आर्थिक बक्षिसांशिवाय स्वतंत्रपणे ऑफर केल्या जात आहेत, असे अहवालात अधोरेखित करण्यात आले आहे.

क्षेत्रनिहाय आकडेवारी

या अहवालातील क्षेत्रनिहाय आकडेवारीनुसार, आरोग्यसेवा आणि बीपीओ/आयटीईएस उद्योगांमधील बहुतांश कर्मचाऱ्यांना यावर्षी पगारवाढ मिळाली आहे. आरोग्य सेवेतील २९ टक्के कर्मचाऱ्यांना ५ ते १० टक्के तर २७ टक्के कर्मचाऱ्यांना १० ते १५ टक्के वाढ मिळाली आहे. बीपीओ/आयटीईएस उद्योगात जवळपास निम्या लोकांना, उदा. ४९ टक्के कर्मचाऱ्यांना या आर्थिक वर्षात (FY23) ० ते ५ टक्के पगारवाढ मिळाली, तर २६ टक्के कर्मचाऱ्यांना ५ ते १० टक्के वाढ मिळाली.

'या' उद्योगांत २० टक्क्यांहून अधिक पगारवाढ

BFSI उद्योगात २० टक्के कर्मचाऱ्यांना १०-१५ टक्के आणि ३० टक्के कर्मचाऱ्यांना ५-१० टक्के पगारवाढ मिळाली. IT मध्ये असाच ट्रेंड दिसून आला. या क्षेत्रातील ३० टक्‍के कर्मचाऱ्यांना १० ते १५ टक्के आणि २१ टक्के लोकांना ५ ते १० टक्क्यांची वाढ मिळाली. अभियांत्रिकी/बांधकाम उद्योगात नोकरी करणाऱ्या २० टक्के कर्मचाऱ्यांना २० टक्क्यांहून अधिक पगारवाढ मिळाली.

या अहवालानुसार, ३८ टक्के कर्मचाऱ्यांनी सांगितले की त्यांना या वर्षी मिळालेली पगारवाढ त्यांच्या अपेक्षेप्रमाणे आहे. तर अप्रायझल प्रक्रिया ५२ टक्के कर्मचाऱ्यांनी योग्य असल्याचे नमूद केले. (Salary hike in India)

काहींजण नवीन संधीच्या शोधात

यंदाच्या अप्रायझलनंतर, ७६ टक्के कर्मचार्‍यांनी सर्वेक्षणाच्या निकालांच्या आधारे नोकरी बदलण्याचा विचार बोलून दाखवला. नवीन संधींचा शोध घेण्यास इच्छुक असलेल्यांपैकी उल्लेखनीय २६ टक्के प्रतिसादकर्ते त्यात आहेत. कारण ते ५ ते १० टक्के पगारवाढीच्या श्रेणीतील आहेत, जी या विशिष्ट श्रेणीतील सर्वोच्च टक्केवारी चिन्हांकित करते.

हे ही वाचा :

• Foxconn Investment in India : फॉक्सकॉन भारतात करणार 4100 कोटी रुपयांची गुंतवणूक
• Hero Motocorp च्या अध्यक्षांच्या घरावर ईडीचे छापे, कारवाईनंतर शेअर्स गडगडले