नवी दिल्ली, पुढारी वृत्तसेवा : 'ऑपरेशन कावेरी' अंतर्गत युध्दग्रस्त सुदानमधून (Sudan) आतापर्यंत 1 हजार 954 नागरिकांची सुटका करण्यात आली असल्याची माहिती परराष्ट्र मंत्री एस. जयशंकर यांनी रविवारी सोशल मीडियाच्या माध्यमातून दिली. शनिवारी (दि. ३०) रात्री सुदानमधून 229 नागरिकांना विशेष विमानाने भारतात आणले गेले होते. त्याच्या एक दिवस आधी दोन विमानांमधून 754 लोकांना मायदेशी परत आणण्यात आले होते. (Operation Kaveri)