ठाण्यातील घोडबंदर रोडवर कंटेनरला भीषण आग; एकाचा जागीच मृत्यू

ठाणे : पुढारी वृत्‍तसेवा ठाण्यातील घोडबंदर रोडवरील हिरानंदानी पार्क, पातलीपाडासमोर हेवी कंटेनर पलटी होऊन अपघात झाला. यानंतर या कंटेनरला भीषण आग लागली. या अपघातात एका व्यक्‍तीचा जळून मृत्‍यू झाला आहे. या घटनेची माहिती मिळताच पोलिसांनी घटनास्‍थळी धाव घेतली. यावेळी अग्‍निशमन दल, आपत्‍ती व्यवस्‍थापन पथकाने आग आटोक्‍यात आणली.

दरम्‍यान अपघातात जळून मृत्‍यूमुखी पडलेल्‍या व्यक्‍तीचा मृतदेह पुढील कार्यवाहीसाठी सिव्हिल हॉस्‍पिटलमध्ये पाठविण्यात आला आहे. तसेच अपघातग्रस्‍त कंटेनर वाहतूक पोलिसांकडून रस्‍त्‍याच्या बाजूला करण्यात आला असून, तब्‍बल ३ तासांच्या प्रयत्‍नानंतर रस्‍ता वाहतुकीसाठी मोकळा करण्यात आला आहे.

हेही वाचा : 

• Ram temple : राम मंदिर उद्घाटनादिवशी काळे वस्त्र घालून आंदोलनाचा इशारा 
• Karuna Munde : पत्नी म्हणून माझा स्वीकार करा, करुणा मुंडे यांची मागणी
  
• ASER report : विद्यार्थ्यांना अक्षरे कळेनात आणि अंक उमजेनात! वाचा 'असर'चा अहवाल