या आयोजित पत्रकार परिषदेला विराज परदेशी (मॉडर्न पेंटाथलॉन), केतकी गोखले (जिमनॅस्टिक), ऋषिकेश अरणकल्ले (मल्लखांब), राजेश्री गुगळे (जलतरण, वॉटरपोलो) आणि पूजा सानप (रोईंग) या खेळाडूंसह इतर खेळांतील खेळाडू उपस्थित होते. या वेळी विराज परदेशी म्हणाला की, अनिल चोरमले आणि सुहास पाटील या दोन्ही अधिकार्यांवर लाच घेतल्याचे गुन्हे आहेत. बोगस प्रमाणपत्र घोटाळ्यात चोरमलेंना अटकदेखील झाली होती. सुहास पाटील यांच्यावर 1 कोटी रुपयांची लाच घेतल्याचा आरोप आहे. त्याचबरोबर पैसे घेऊन पुरस्कार दिल्याचा गुन्हादेखील दाखल आहे. असे अधिकारी खेळाडूंची पुरस्कार पडताळणी कसे करू शकतात, करत असतील, तर तो खेळाडूंच्या मेहनतीचा अपमान आहे.