पत्रकारांशी बोलताना विजयेंद्र म्हणाले, मागील अॅडव्होकेट जनरल प्रभूलिंग नावलगी यांनी शिवकुमार यांच्याबाबत कोणता अहवाल दिला आहे, याबाबत मला माहिती नाही. मी अहवाल बघितलेला नाही. परंतु, अशा प्रकरणात राज्य सरकारने नाक खुपसणे योग्य नाही. बेकायदेशीर संपत्तीच्या आरोपाखाली प्राप्तिकर विभागाने छापे टाकले होते, रोकड सापडली होती. त्यामुळे 'सीबीआय'कडून तपास सुरू आहे. सक्तवसुली संचलनालयाकडूनही चौकशी करण्यात येत आहे. पुरावे उपलब्ध असल्याचे 'सीबीआय'ने सांगितले आहे. यापार्श्वभूमीवर तपासाला देण्यात आलेली परवानगी मागे घेणे बेकायदेशीर आहे.