पुढारी ऑनलाईन डेस्क : चार्ली चॅप्लिन यांची मुलगी जोसेफिन चॅप्लिन यांचे निधन झाले आहे. त्या ७४ वर्षांच्या होत्या. जोसेफिन यांचे १३ जुलै रोजी पॅरिसमध्ये निधन झाले, असे त्यांच्या कुटुंबीयांकडून सांगण्यात आले.
जोसेफिन चॅप्लिन यांचा जन्म २८ मार्च १९४९ रोजी सांता मोनिका, कॅलिफोर्निया येथे झाला. चार्ली चॅप्लिन आणि ओना ओ'नील यांच्या आठ मुलांपैकी त्या तिसरे अपत्य होत्या. त्यांनी लहान वयातच वडिलांच्या १९५२ मध्ये आलेल्या "लाइमलाइट" मधून पडद्यावरील करिअरची सुरुवात केली.
जोसेफिन चॅप्लिन यांनी अनेक परदेशी चित्रपटांमध्ये भूमिका केल्या आहेत. १९७२ मध्ये त्यांनी पियर पाओलो पासोलिनीच्या "द कँटरबरी टेल्स" पुरस्कार विजेता चित्रपट आणि रिचर्ड बाल्डुचीच्या "लॉड्यूर डेस फॉव्स" या चित्रपटात उत्कृष्ट अभिनय केला होता. १९७४ मध्ये, त्यांनी जॉर्जेस फ्रांजूच्या युरोपियन क्राईम-थ्रिलर "शॅडोमन" मध्ये गेल हन्निकट आणि जॅक चँप्रेक्स यांच्यासोबत मार्टिन लेडुकची भूमिका केली होती. १९७६ मध्ये त्यांनी जेसस फ्रँकोच्या "जॅक द रिपर" या हॉरर चित्रपटात सिंथिया आणि जीन-लुई व्हॅन बेल्ले यांच्या "अ लोम्ब्रे डी'अन एट" मधील अॅनाच्या भूमिकेने त्यांना वेगळी ओळख मिळाली होती.
