वंचितने अमरावती लोकसभेमध्ये आपला उमेदवार दिलेला नाही. मात्र, रिपब्लिकन सेनेचे अध्यक्ष आनंदराज आंबेडकर यांना पाठिंबा दिला आहे. त्यामुळेच जिल्हाध्यक्ष गवई हे नाराज आहेत. रिपब्लिकन सेना वंचितच्या कोणत्याच पदाधिकाऱ्यांना मान सन्मान देत नसल्याचा आरोपही गवई यांनी केला आहे. दरम्यान, आता वंचितचे जिल्हाध्यक्ष शैलेश गवई हे बळवंत वानखडे यांचा प्रचार करणार आहेत. गवई यांच्यासोबत अमरावती शहराध्यक्ष तसेच चांदूरबाजार, अचलपूरसह पाच तालुकाध्यक्ष देखील या बंडखोरीत सहभागी आहेत.