पर्यटन व्यावसायिकांच्या मानेवर किरीट सोमय्यांचे भूत : संजय कदम

दापोली, पुढारी वृत्तसेवा : दापोलीची माहिती नसणाऱ्या किरीट सोमय्या (Kirit Somaiya)  यांना दापोलीत आणण्याचे काम सूर्याजी पिसाळ प्रवृत्तीच्या माणसाने केले आहे. आणि हेच किरीट सोमय्याचे भूत आज दापोली मुरुड येथील २६७ पर्यटन व्यावसायिकांच्या मानेवर बसले आहे, अशी तिखट प्रतिक्रिया दापोलीचे माजी आमदार संजय कदम यांनी दिली.

• Sai Resort : मंत्री परबांचे रिसॉर्ट तोडण्यासाठी आज सोमय्या येणार दापोलीत!

किरीट सोमय्या (Kirit Somaiya)  हे प्लास्टिकचा हातोडा घेऊन शेकडो कार्यकर्त्यांच्या गाड्यांसह दापोलीत येत आहेत. दापोलीत कलम १३७-१ लागू आहे, असे असताना त्यांच्यावर कारवाई होणे अपेक्षित आहे. आमचा लढा हा येथील पर्यटन वाचले पाहिजे, यासाठी आहे. यात कोणताही राजकीय हेतू नाही. मात्र, कोण जर राजकीय सुडापोटी पर्यटकांच्या मुळावर उठले. तर आम्ही देखील शांत बसणार नाही, असा इशारा कदम यांनी दिला.

• मुंबई-पुणे एक्स्प्रेसवर खंडाळा बोरघाटात केमिकलचा टँकर पलटी, ६ किलोमीटर पर्यंत वाहनांच्या रांगा

दापोलीची अर्थव्यवस्था येथील पर्यटनावर अवलंबून आहे. येथील सर्व व्यावसायिक हे याच पर्यटन व्यवसायावर अवलंबून आहेत. असे असताना येथील सीआरझेड मुद्दा हा राजकीय सुडापोटी उपस्थित करून एक प्रकारे येथील पर्यटन व्यावसायिकांना देशोधडीला लावण्यासारखे आहे. किरीट सोमय्या यांना आमचा विरोध नाही. मात्र, त्यांनी जी पर्यटन व्यवसायाबाबत जी भूमिका घेतली आहे, त्यास आमचा कायम विरोध राहील, असे कदम यांनी म्हटले आहे.

हेही वाचलंत का ?

• एसटी कर्मचारी संप : ३१ मार्च पर्यंत जे रुजू होणार नाहीत त्यांच्यावर कठोर कारवाई, अजित पवारांचा इशारा
• भंडारा :  वयाच्या पन्नाशीत २५५० पुशअप… 
• सावधान..! विनापरवाना वाहन चालविल्यास 10 हजार दंड