नवी दिल्ली पुढारी वृत्तसेवा : रशिया आणि युक्रेन यांच्यादरम्यान सुरु असलेल्या युध्दाचा परिणाम देशाच्या जीडीपीवर होणार असून आगामी काळात रूपयाची घसरणदेखील वाढू शकते, असा अंदाज भारतीय स्टेट बँकेने आपल्या ताज्या अहवालात वर्तवला आहे. स्टेट बँकेने याआधी चालू आर्थिक वर्षात आठ टक्के जीडीपी (GDP Affects) दराचा अंदाज व्यक्त केला होता, हा अंदाज आता 7.8 टक्क्यांपर्यंत कमी करण्यात आला आहे. दुसरीकडे डॉलरच्या तुलनेत रुपया 77.5 पर्यंत घसरू शकतो, असे अहवालात म्हटले आहे.