पुण्यात पुन्हा अग्नितांडव! मार्केट यार्डात गोडाऊनला भीषण आग

पुणे : पुण्यातील मार्केट यार्ड परिसरात मध्यरात्री एक वाजण्याच्या सुमारास गोडाऊनला भीषण आग लागली. या गोडाऊनमधे कागद रद्दी आणि काही प्रमाणात पुठ्ठा असणाऱ्या मालाला मोठ्या प्रमाणात आग लागली. अग्निशमन दलाच्या जवानानांना आगीची माहिती मिळताच घटनास्थळी दाखल झाले, त्यांनी या आगीवर नियंत्रण मिळवण्याचे प्रयत्न सुरु केेले.

मात्र ही आग कशामुळे लागली याची अद्याप माहिती समजू शकलेली नाही. अथक प्रयत्नानंतर ही आग आटोक्यात आणण्यात जवानांना यश आलं. यावेळी गोडाऊनमधे असलेले रद्दीचे कागद पुर्णपणे जळाले. तसेच गोडाऊनमधे असलेले दोन टेम्पो ही जळाले. सुदैवाने या घटनेत कोणतीही जीवितहानी झालेली नाही.