जेजुरी (पुणे) : पुणे जिल्ह्यातील जेजुरी येथे होणाऱ्या शासन आपल्या दारी कार्यक्रमाला अखेर मुहूर्त लागला आहे. या आधी चार वेळा शासन आपल्या दारी हा कार्यक्रम रद्द झाला होता. आता 7 ऑगस्ट रोजी जेजुरी येथे शासन आपल्या दारी हा कार्यक्रम होणार आहे. या कार्यक्रमामुळे अनेक लाभार्थ्यांना लाभाची वाट पहावी लागली होती. शासन आपल्या दारी या अभियानांतर्गत जिल्हा कौशल्य विकास, रोजगार व उद्योजकता मार्गदर्शन केंद्र, पुणे यांच्यामार्फत लाभार्थ्यांना थेट लाभ उपलब्ध करुन देण्याकरिता पंडित दीनदयाळ उपाध्याय महारोजगार मेळाव्याचे देखील आयोजन करण्यात आले आहे.
