Dunki : Drop 2- Lutt Putt Gaya Song: शाहरुखचा असा अंदाज पाहिला नसेल, डंकीचे पहिले गाणे रिलीज

पुढारी ऑनलाईन डेस्क : अभिनेता शाहरुख खान-तापसी पन्नूची जोडी डंकीमधून पाहायला मिळाली. दिग्दर्शक राजकुमार हिरानी यांच्या डंकी चित्रपटातील पहिल्या गाण्याची डंकी ड्राप २ मधून पहिले रोमँटिक गाणे 'लुट-पुट गया' रिलीज झाले आहे. (Dunki : Drop 2- Lutt Putt Gaya Song) शाहरुख खान पुन्हा एकदा प्रेक्षकांची मने जिंकण्यास आणि बॉक्स ऑफिसवर नवा रेकॉर्ड बनवण्याची तयारी करत आहेत. (Dunki : Drop 2- Lutt Putt Gaya Song)

संबंधित बातम्या –

• 'तुझेच मी गीत गात आहे' मालिकेत अभिजीत केळकरची एन्ट्री
• Animal Trailer : रणबीरच्या 'अ‍ॅनिमल' चा ट्रेलर 'या' दिवशी भेटीला
• Sonam Kapoor : माझी आई एक मॉडेल, तिनेच मला फॅशनच्या जगासमोर आणलं

या चित्रपटाची झलक तर फॅन्स शाहरुख खानच्या जन्मदिनी खास औचित्याने आपण पाहिली आहे. आता राजकुमार हिरानी 'डंकी: ड्राप २' मधून चित्रपटाचे पहिले गाणे समोर आणले आहे. गाणे आज रिलीज होणार असल्याची माहिती खुद्द शाहरुख खानने सोशल मीडियावर शायराना अंदाजात शेअर केली होती.

रिलीज झाले 'डंकी: ड्राप २' चे पहिले गाणे

शाहरुख खानचा चित्रपट 'डंकी'ची जेव्हा पहिली झलक समोर आली होती, तेव्हा निर्मात्यांनी 'ड्राप-१' लिहिलं होतं. आता या चित्रपटाच्या पहिल्या गाण्यासोबत दुसरी झलक समोर आलीय.

शाहरुख खानने X अकाऊंटवर या गाण्याच्या काही ओळी लिहित म्हटले होते-"तेरे दिल में टेंट लगाऊंगा, तेरे इश्क में गोतेह खाऊंगा, मैं तो गया…लुट पुट गया। प्यार के इस सफर 'डंकी' को सिर्फ 30 दिन रह गए हैं"।