केंद्राचा मोठा निर्णय : हाफिज सईदचा मुलगा हाफिज ताल्हा सईद दहशतवादी घोषित

नवी दिल्ली, पुढारी वृत्तसेवा : देशाची आर्थिक राजधानी मुंबईत २६/११ हल्ला घडवून आणणारा मोरक्या आणि लष्कर-ए-तोयबाचा संस्थापक हाफिज सईदचा मुलगा हाफिज ताल्हा सईद याला केंद्र सरकारने दहशतवादी घोषित केले आहे. शनिवारी यासंबंधी केंद्रीय गृहमंत्रालयाने नोटिफिकेशन काढले आहे. देशात लष्कर-ए-तोयबा कडून करण्यात आलेल्या हल्ल्यांचा कट रचणे, फंडिंग तसेच रिक्रूटमेंटमध्ये देखील ४६ वर्षीय हाफिज ताल्हा सईदचा समावेश होता, असे मंत्रालयाने नोटिफिकेशनमधून स्पष्ट केले आहे. पाकिस्तानात विविध ठिकाणी सुरू असलेल्या लष्कर-ए-तोयबा च्या केंद्राचा दौरा देखील हाफिज ताल्हा करीत असल्याचेही गृह मंत्रालयाकडून सांगण्यात आले आहे.

• CBSE Term 2 परीक्षेसाठी प्रवेशपत्र कसे डाउनलोड करावे? जाणून घ्या अधिक

लष्कर-ए-तोयबाच्या मौलवी विंगचा प्रमुख तसेच लष्करचा मोठा दहशतवादी असलेला हाफिज ताल्हा सईद भारताच्या हितांविरोधात पश्चिमी देश तसेच अफगाणिस्तानमध्ये जिहाद पसरवण्यात सहभागी आहे. सोबतच भारत, इस्रायल,अमेरिका तसेच इतर पश्चिम देशांमध्ये भारतीय हितांच्या विरोधात जिहाद करण्याचे आवाहन करणारे वक्तव्य तो देतो, असे मंत्रालयाकडून सांगण्यात आले आहे.

• जम्मू-काश्मीर : श्रीनगरमधील जामिया मशिदीत आझादी आणि भारतविरोधी घोषणा, सुरक्षा रक्षकांवर दगडफेक (Video)

२६ नोव्हेंबर २००८ मध्ये मुंबईत झालेल्या दहशतवादी हल्ल्यामागे हाफिज सईदचे डोके होते. या हल्ल्यात १६६ नागरिकांचा मृत्यू झाला होता. काही वर्षांपूर्वी त्याला देखील भारताने दहशतवादी म्हणून घोाषित केले होते. सध्या दहशतवादी कारवायांना खतपाणी घातल्याप्रकरणी तो पाकिस्तानच्या कारागृहात शिक्षा भोगत आहे. भारताकडून हाफिज सईदची कस्टडी मागितली जात आहे. परंतु, पाकिस्तान सईदची कस्टडी देण्यास नकार देत आहे.

हेही वाचलंत का ?  

• Hanging Light : ओळखा पाहू 'हा' दिवा कशापासून बनवला; आनंद महिंद्रा यांनी केले ट्विट
• AC in summer : 'एसी'चे बिल कमी करण्यासाठी 'या' आहेत सोप्या टिप्स
• गाेवा : सुभाष फळदेसाई, निळकंठ हळर्णकर, सुदिन ढवळीकर आज घेणार शपथ