Nagaland Election Result 2023 live: नागालँडमध्ये एनडीपीपी-भाजप युतीची मोठ्या विजयाकडे वाटचाल

By:Monika Kshirsagar Published on: March 2, 2023, 9:47 AM

Nagaland Election Result 2023 live Update:

एनडीपीपी-भाजप युतीची मोठ्या विजयाकडे वाटचाल
नागालँड विधानसभा निवडणुकीत NDPP-भाजप युतीने 15 जागा जिंकल्या आणि 21 मतदारसंघात आघाडीवर आहे, असे अधिकाऱ्यांनी गुरुवारी सांगितले.
नागालँडला विधानसभा निवडणुकित चार महिला रिंगणात होत्या. त्यापैकी, NDPP च्या हेकानी जाखलू यांनी विजय मिळवत, नागालँडच्या पहिली महिला आमदार बनण्याचा इतिहस देखील रचला आहे.
एलजेपी (रामविलास) ज्याने नागालँड विधानसभेची निवडणूक देखील प्रथमच लढवली होती त्यांनी पुघोबोटो जागा जिंकली आहे. या पक्षाचे उमेदवार डॉ. सुखातो ए सेमा हे विजयी झाले आहेत. त्यांनी जवळचे प्रतिस्पर्धी एनडीपीपीचे वाय विखेहो स्व: यांचा 850 मतांनी पराभव केला.
दोन अपक्ष उमेदवार विजयी अपक्ष उमेदवार Neisatuo Mero आणि Kevipodi Sophie हे देखील अनुक्रमे Pfutsero आणि Southern Angami-I मधून विजयी झाले आहेत.
नागालँडमध्ये भाजप-एनडीपीपी युती पुन्हा सत्तेत येण्याचे चित्र दिसत आहे. निवडणूक आयोगाने दिलेल्या माहितीनुसार, या युतीने 32 जागांवर आघाडी घेतली असून, 60 पैकी 2 जागा जिंकल्या आहेत.
भाजप(BJP) २,नॅशनलिस्ट डेमोक्रॅटिक प्रोग्रेसिव्ह पार्टी(NDPP) २ तर आरपीआय (ए) ला २ जागेवर विजय.
नागालँडमध्ये भाजपाने (BJP) २ जागा जिंकल्या असून, ९ जागांवर भाजप आघाडीवर आहे. नॅशनलिस्ट डेमोक्रॅटिक प्रोग्रेसिव्ह पार्टी(NDPP) १९ जागांवर आघाडीवर आहे. अपक्ष-४ काँग्रेस-२ आणि एनपीपी-३, जद (यू)-२, आरपीआय (ए)-२ आणि एलजेपी (रामविलास)-१, एनसीपी-५ जागेवर आघाडीवर आहे.
EC ने दिलेल्या माहितीनुसार नागालँडमध्ये अपक्ष, काँग्रेस आणि एनपीपी प्रत्येकी दोन जागांवर आघाडीवर आहेत. जद (यू), आरपीआय (ए) आणि एलजेपी (रामविलास) प्रत्येकी एका जागेवर आघाडीवर आहेत,
NDPP 11 जागांवर आघाडीवर, भाजपने एक जागा जिंकली आणि 3 जागांवर आघाडी घेतली आहे.
नागालँडचे उपमुख्यमंत्री आणि भाजप नेते वाय पॅटोन हे त्युई मतदारसंघात आघाडीवर.
NDPP-भाजप युतीने नागालँडमध्ये प्रतिस्पर्ध्यांना बाजूला करत आपले विरोधकच संपवून टाकले आहेत. राष्ट्रवादी डेमोक्रॅटिक प्रोग्रेसिव्ह पार्टी (NDPP) आणि भाजप यांची निवडणूकपूर्व युती होती आणि त्यांनी 40:20 जागा वाटपाच्या आधारावर निवडणूक लढवली होती. नागा पीपल्स फ्रंट (NPF) ने 22 जागा लढवल्या आणि 2003 पर्यंत राज्यात सत्ता गाजवणाऱ्या आणि सध्याच्या सभागृहात एकही सदस्य नसलेल्या काँग्रेसने 23 जागा लढवल्या.
उत्तर अंगामी-२ मधून सीएम नेफियू रिओ ३७९७ मतांनी आघाडीवर आहेत. काँग्रेसच्या सेयेवली सचू यांना आतापर्यंत केवळ 88 मते मिळाली आहेत.
डीपीपी – 27 | भाजप – 12 | एनपीएफ – 3 | CONG – 0 | इतर – 9 नागालँडमध्ये काँग्रेसला अद्याप खाते उघडता आलेले नाही.
नागालँडमध्ये विधानसभा निवडणुक मतमोजणीचे पहिले कल हाती, एनडीपीपी 30 हून अधिक जागांवर आघाडीवर. दोन-पक्षाची युती आता 60 पैकी 49 जागेत पुढे आहे. यामध्ये NDDP- 30 +BJP – 12

नागालँडमध्ये विधानसभा निवडणूकीच्या मतमोजणीला आज गुरूवारी (दि.०२) सुरूवात झाली. २०२३ च्या विधानसभा निवडणूकीसीठी २७ फेब्रुवारीला ६० विधानसभांच्या ५९ जागांसाठी मतदान झाले. यावेळी ७४.३२% लोकांनी आपला मतदानाचा हक्क बजावला. यावेळी एनडीपीपीचे उमेदवार आणि नागालँडचे मुख्यमंत्री नेफियू रिओ यांनी देखील कोहिमा जिल्ह्यात मतदान केले.

नागालँड विधासभा सदस्य (आमदारांची) संख्या ही ६० आहे. सरकार स्थापनेसाठी राजकीय पक्षाला अथवा राजकीय आघाडीकडे ३१ जागांचे बहुमत असणे अनिवार्य आहे. सध्याची १३ वी विधानसभा निवडणूक असून, या निवडणूकीनंतर २०२३ मध्ये १३ विधानसभा अस्तित्वात येणार आहे.

२०१८ च्या विधानसभेत एनडीपी-भाजपा युती

२०१८ च्या विधानसभा निवडणुकीत राष्ट्रीय लोकशाही आघाडीचा सदस्य असलेल्या नॅशनलिस्ट डेमोक्रॅटिक प्रोग्रेसिव्ह पार्टी(NDPP) पक्षाने १८ जागांवर विजय मिळवला. त्यानंतर या पक्षाने भाजपच्या पाठिंब्याने सरकार स्थापन केले. तर नागा पीपल्स फ्रंटला २५ जागा जिंकून देखील सरकार स्थापन करता आले नाही. २०१८ च्या विधानसभा निवडणूकीत नागा पीपल्स फ्रंट-25, नॅशनलिस्ट डेमोक्रॅटिक प्रोग्रेसिव्ह पार्टी-21, भारतीय जनता पार्टी-12, अपक्ष-2 अशा जागांवर यश मिळवले होते.

भाजपा-एनडीपीला पुन्हा बहुमत?

२०२३ च्या नागालँड विधानसभा निवडणुकीत भाजपा-एनडीपीपी युतीला मोठा जनादेश मिळाल्याने हे दोन्ही पक्ष सत्तेत आले आहेत. एकूण ६० जागांपैकी भाजप-एनडीपीपी युतीला या निवडणूकीत पुन्हा एकदा बहुमत मिळण्याची शक्यता आहे. नागालँडचे सध्याचे मुख्यमंत्री नेफिओ रिओ यांनी नॉर्थन अंगामी येथून निवडणूक लढवली आहे. यापूर्वी रिओ हे चार वेळा मुख्यमंत्री राहिले आहेत आणि ते याआधीच राज्यातील सर्वात जास्त काळ सरकारचे प्रमुख आहेत. ते आणखी एक टर्म मुख्यमंत्रीपदी राहण्याची शक्यता आहे.