पुढारी ऑनलाईन: काही लोक टेक्स्ट मेसेजला उत्तर देण्यात खूपच स्लो असतात. जेव्हा असे लोक अनेक दिवस टेक्स्ट मेसेजला उत्तर देत नाहीत, तेव्हा त्यांच्या आळशीपणाची परिसीमा गाठली जाते. बऱ्याच लोकांना टेक्स्ट मेसेजपेक्षा कॉलवर बोलणे अधिक सोयीचे वाटते. आता अशा लोकांच्या समस्येवर एक पर्याय समोर आला आहे. व्हॉट्सअॅप वापरकर्ते आता गिटहबच्या मदतीने चॅटजीपीटी व्हॉट्सअॅपशी इंटिग्रेट करू शकतात.
ChatGPT हे हे रायटिंगवर जास्त करत आहे. चॅटजीपीटीमुळे अॅमेझॉन किंडलवर ई-बुक्समध्ये वाढ होऊ शकते, म्हणजेच पुस्तके लिहून अनेकजण लेखक होऊ शकतात, असे सांगितले जात आहे. आता चॅटजीपीटी तुमच्या व्हॉट्सअॅप मेसेजलाही उत्तर देऊ शकते. आश्चर्य वाटेल, पण हे खरे आहे की ChatGPT तुमच्या WhatsApp वर येणाऱ्या सर्व प्रकारच्या मेसेजला उत्तर देऊ शकते. चला तर मग याचा वापर कसा करतात ते जाणून घेऊया…
सुरुवातीला तुम्हाला ChatGPT ला WhatsApp शी लिंक करावे लागेल. यासाठी GitHub ची मदत घ्यावी लागेल. एका डेव्हलपरने GitHub वर पायथन स्क्रिप्ट तयार केली आहे, जी तुम्हाला ChatGPT ला WhatsApp खात्याशी लिंक करू देते. यासाठी तुम्हाला लँग्वेज लायब्ररी मिळेल. जर तुम्हाला वाटत असेल की चॅटजीपीटीने तुमच्या व्हॉट्सअॅप मेसेजला रिप्लाय द्यावा, तर तुम्हाला https://github.com/danielgross/whatsapp-gpt वर जावे लागेल.