माेठी बातमी : खाते वाटप जाहीर: देवेंद्र फडणवीस यांच्याकडे गृह, अर्थ खाते
पुढारी ऑनलाईन डेस्क : राज्य मंत्रिमंडळाचा विस्तार झाल्यानंतर सर्वांचे खातेवाटपाकडे लक्ष लागले होते. अखेर आज खातेवाटप करण्यात आले आहे. त्यानुसार मुख्यमंत्री एकनाथ शिंदे यांच्याकडे सामान्य प्रशासन, नगर विकास, माहिती व तंत्रज्ञान, माहिती व जनसंपर्क, सार्वजनिक बांधकाम(सार्वजनिक प्रकल्प), परिवहन, पणन, सामाजिक न्याय व विशेष सहाय्य, मदत व पुनर्वसन, आपत्ती व्यवस्थापन, मृद व जलसंधारण, पर्यावरण व वातावरणीय बदल, अल्पसंख्याक व औकाफ तसेच इतर कोणत्याही मंत्र्यांना वाटप न केलेले विभाग. तर उपमुख्यमंत्री देवेंद्र फडणवीस यांच्याकडे गृह, वित्त व नियोजन, विधी व न्याय, जलसंपदा व लाभक्षेत्र विकास, गृहनिर्माण, ऊर्जा, राजशिष्टाचार ही खाती असतील.
१८ मंत्र्यांची खाती पुढीलप्रमाणे :
राधाकृष्ण विखे-पाटील : महसूल, पशुसंवर्धन आणि दुग्धविकास
सुधीर मुनगंटीवार : वने, सांस्कृतिक कार्य, व मत्स्य व्यवसाय
चंद्रकांत पाटील : उच्च व तंत्रशिक्षण, वस्त्रोद्योग आणि संसदीय कार्य
डॉ. विजयकुमार गावित : आदिवासी विकास
गिरीष महाजन : ग्राम विकास आणि पंचायती राज, वैद्यकीय शिक्षण, क्रीडा व युवक कल्याण
गुलाबराव पाटील : पाणीपुरवठा व स्वच्छता
दादा भुसे : बंदरे व खनिकर्म
संजय राठोड : अन्न व औषध प्रशासन
सुरेश खाडे : कामगार
संदीपान भुमरे : रोजगार हमी योजना व फलोत्पादन
उदय सामंत : उद्योग
प्रा.तानाजी सावंत : सार्वजनिक आरोग्य व कुटुंब कल्याण
रवींद्र चव्हाण : सार्वजनिक बांधकाम (सार्वजनिक उपक्रम वगळून), अन्न व नागरी पुरवठा व ग्राहक संरक्षण
अब्दुल सत्तार : कृषी
दीपक केसरकर : शालेय शिक्षण व मराठी भाषा
अतुल सावे : सहकार, इतर मागास व बहुजन कल्याण
शंभूराज देसाई : राज्य उत्पादन शुल्क
मंगलप्रभात लोढा : पर्यटन, कौशल्य विकास व उद्योजकता, महिला व बालविकास.
Portfolios allocated to Maharashtra ministers – CM Eknath Shinde to handle Urban Development, Environment, Minority, Transport, Disaster Mgmt; Deputy Chief Minister Devendra Fadnavis gets Home and Finance
(File photo) pic.twitter.com/89AXruI7rF
— ANI (@ANI) August 14, 2022