जळगाव : पुढारी वृत्तसेवा – चोपडा शहरात नगरपरिषदेच्या मागे सुरु असलेल्या कुंटणखाण्यावर बनावट ग्राहक पाठवून कारवाई करण्यात आली आहे. या कारवाईत महिलांना देहविक्रीचा व्यवसाय करण्यास प्रवृत्त करुन त्यांच्या करवी कुंटनखाना चालविणाऱ्या 11 संशयित महिलांना अटक करुन 50 पिडीत महीलांची सुटका करण्यात आली आहे. याप्रकरणी चोपडा पोलिसांत गुन्हा दाखल करण्यात आला आहे.
चोपडा शहर पोलीस स्टेशन हद्दीत नगरपरिषदेच्या मागे वार्ड क्रमांक 34 मध्ये अनधिकृत पणे पत्र्याचे शेड लावून मोठ्या प्रमाणात पिडीत महीलांना अडकवून त्यांच्याकडुन देहविक्रीचा व्यवसाय करुन कुटूंणखाना चालवित असल्याबाबत पोलीस निरीक्षक मधुकर साळवे यांना खबर मिळाली होती. त्यानुसार दि. 20 रोजी 7.45 वाजेच्या सुमारास पोलीस निरीक्षक मधुकर साळवे यांनी या ठिकाणी एक बनावट ग्राहक पाठविला. तेथे देहविक्रीचा व्यवसाय करुन कुटूंणखाना चालवित असलेबाबत खात्री झाल्यावर उपविभागीय पोलीस अधिकारी चोपडा, चोपडा शहर पोलीस स्टेशनचे अधिकारी व अंमलदार यांनी त्या ठिकाणी छापा मारुन कारवाई केली असता एकुण 11 संशयित महिला या स्वतःच्या फायद्यासाठी त्यांच्या ताब्यातील झोपड्यांमध्ये एकूण 50 महिलांना अडकवून त्यांचा देहविक्रीचा व्यवसाय करण्यास प्रवृत्त करुन त्यांचे करवी कुटूंणखाना चालवितांना मिळुन आल्या आहेत. त्यांच्यावर चोपडा शहर पोलीस स्टेशनला गुन्हा दाखल करण्यात आला आहे.
सदर गुन्ह्यातील संशयित आरोपी शर्मिला काले तमंग वय 48 वर्ष 2) उषा युवराज धोटे वय 40 वर्ष रा चोपडा 3) किरण हरी लांबा वय 40 वर्ष रा. होलशीमन काठमांडु नेपाळ ह मुरा वॉर्ड नं 34 रा. नगरपालीका पाठीमागे चोपडा ता. चोपड़ा जि. जळगांव 4 ) मिराबाई चिंतामण चौधरी वय 45 वर्ष रा गांधलीपुरा अंमळनेर ह मु वॉर्ड नं 34 रा. नगरपालिका पाठीमागे चोपडा ता. चोपडा जि. जळगांव 5) मंगलाबाई रमेश मराठे वय 58 वर्ष 6) नुरजहाँ बेगम अकबर शेख वय 47 वर्ष रा आसमसोल ब्रम्हचारी विद्यालय कालोपुर गेट कोलकाता 7) आसमा बेगम अब्दुल्ला शेख वय 35 वर्ष अनंत बिल्डोग कळंबोली रोड रायगड 8) सुभद्रा पुम्या नायक वय 40 वर्ष 9) माया बाप बख्नु लांमा वय 54 वर्ष रा. सिक्कीम 10) संगीता जिन बहादर चापा वय 53 वर्ष रा. नारायण वाडी चोपडा 11) सुनिता देवी फौजी मंडल वय 40 वर्ष रा.गोणगा अभय नगर कोलकाता ह मुरा वॉर्ड नं 34 रा.नगरपालीका पाठीमागे चोपडा ता. चोपड़ा जि. जळगांव यांना सदर गुन्ह्यात अटक करण्यात आली असुन एकूण 50 पिडीत महीलांची सुटका करुन त्यांना आशादिप सुधारगृह जळगांव येथे स्थलांतरीत करण्यात आले आहे.
सदर कारवाई पोलीस अधिक्षक महेश्वर रेड्डी, अपर पोलीस अधिक्षक कविता नेरकर चाळीसगांव, उपविभागीय पोलीस अधिकारी कृणाल सोनवणे चोपडा यांचे मार्गदर्शनाखाली पोलीस निरीक्षक मधुकर साळवे चोपडा शहर पोलीस स्टेशन, पोलीस निरीक्षक कावेरी कमलाकर याच्यासाह चोपडा ग्रामीण पोलीस स्टेशन, सहा. पोलीस निरीक्षक प्रशांत कंडारे, सहा. पोलीस निरीक्षक एकनाथ भिसे, पोउपनि . अनिल भुसारे, पोउपनि . योगेश्वर हिरे, सफौ. जितेंद्र सोनवणे, विलेश सोनवणे, दिपक विसावे, हरिषचंद्र पवार, शेषराव तोरे, संतोष पारधी, ज्ञानेश्वर जवागे, महेंद्र साळुंखे, सुभाष सपकाळ, संदीप भोई, मपोहेक विद्या इंगळे, शुभागी लांडगे, रत्नमाला शिरसाठ, रविद्र दिलीप पाटील, लव सोनवणे युनुस शहा, प्रकाश मथुरे, प्रमोद पवार, रविंद्र बोरसे, मदन पावरा, विजय बच्छाव, अनिता हटकर यांनी केली आहे.
