Iran War Effect On Pakistan: इराण-इस्त्रायल-अमेरिका युद्धाचा परिणाम अख्ख्या जगावर पडला आहे. जग ज्याच्यावर चालत त्या दोन गोष्टी कच्च तेल आणि गॅस याची मारामार सुरू झाली आहे. अनेक देशांनी पर्यायी मार्गांनी तेलाची वाहतूक करण्यास सुरूवात केली असून मार्केटमधून चढ्या दरानं तेल आणि गॅस खरेदी केली जात आहे. भारतात देखील पेट्रोल आणि घरगुती गॅसचा तुटवडा भासत आहे.
मात्र इराण युद्धामुळं भारताचा शेजारी देश पाकिस्तानची अवस्था अत्यंत बिकट झाली आहे. आधीच आर्थिक परिस्थिती भके कंगाल असताना पाकिस्तानात वाढलेल्या पेट्रोल दरामुळं आणि पगार कपातीमुळं सामान्य नागरिकांची अवस्था तोंड दाबून बुक्क्यांचा मार अशी झाली आहे.
सरकारनं तेलाच्या तुटवड्यावर तोडगा काढण्यासाठी नागरिकांना घरातून काम करण्यास सांगितलं आहे. त्याचबरोबर शाळा बद करून मंत्र्यांचा पगार देखील कापला आहे.
पाकिस्तान आपली अर्थव्यवस्था चालवण्यासाठी आयात केलेल्या तेलावर आणि गॅसवर जास्तच अवलंबून आहे. त्यात इराणने होर्मुझ सामुद्रधुनी बंद केल्यामुळं पाकिस्तानला मोठा फटका बसत आहे. त्यांचे सर्वात जास्त तेल याच मार्गातून येते. त्यामुंळ पाकिस्तानात इंधनाचा तुटवडा जाणवत आहे. त्यातच जागतिक तेल बाजारातील गगनाला भिडलेल्या किंमती यामुळं त्यांना आपले रिझर्व ऑईलवर अवलंबून रहावं लागत आहे. अशा प्रकारे फार दिवस काम चालवता येणार नाहीये.
सरकारी कर्मचाऱ्यांना चार दिवसांचे काम
सरकारी कर्मचारी ५० टक्के घरून आणि ५० टक्के ऑफिसमधून काम करणार
खासगी कंपन्यांनादेखील वर्क फ्रॉम होम धोरण अवलंबण्यास सांगण्यात आलं आहे.
राज्य आणि केंद्रीय मंत्रीमंडळातील सदस्यांचे दोन महिन्याचे वेतन आणि भत्ता मिळणार नाही.
आमदारांची २५ टक्के पगार कपात करण्यात आली आहे.
पाकिस्तानकडे परदेशी चलन आधीच खूप कमी आहे. त्यात तेलाच्या किंमती अचानक वाढल्यामुळं पाकिस्तानाच गंभीर आर्थिक संकट निर्माण झालं आहे. मिळालेल्या माहितीनुसार युद्धामुळं तेल पुरवठ्यावर मर्यादा आल्या आहेत. त्यातच पाकिस्तानचे महिन्याचे तेल आयातीचे बील वाढून जवळपास ६० कोटी डॉलर इतकं पोहचण्याची शक्यता आहे. नाजूक अर्थिक स्थिती असलेल्या पाकिस्तानवर हा अतिरिक्त बोजा असणार आहे.
इराण युद्धाचा सर्वात जास्त प्रभाव हा इंधनावर पडला आहे. पाकिस्तानमध्ये पेट्रोल - डिझेल आणि गॅसच्या किंमती मोठ्या प्रमाणावर वाढल्या आहेत. गेल्या शुक्रवारी ६ मार्च रोजी पाकिस्तान सरकारने पेट्रोल आणि हाय स्पीड डिझेलमध्ये प्रती लिटर ५५ रूपयांची वाढ केली होती. त्यामुळं आता पाकिस्तानात पेट्रोलची प्रती लीटर किंमत ही ३२१ रूपये झाली आहे. तर हाय स्पीड डिथेल ३३५.८६ रूपये लिटर झालं आहे. यापूर्वी पेट्रोलचे दर २६६.१७ रूपये लीटर होतं.
पेट्रोल आणि डिझेलच्या किंमतीत अचानक वाढ झाल्यामुळं पाकिस्तानमधील नागरिकांमध्ये असंतोष वाढत आहे. कराची, लाहोर आणि इस्लामाबादसह अनेक प्रमुख शहरांमध्ये शेकडो लोक पेट्रोल पंपांवर गर्दी करत आहेत. पेट्रोलचा तुटवडा जाणवण्याची शक्यता निर्माण झाल्यानं लोकांनी पंपाबाहेर मोठी गर्दी केली आहे.
इंधन महाग झाल्यामुळ पाकिस्तानमधील हवाई प्रवास देखील महाग झाला आहे. स्थानिक हवाई तिकीटांमध्ये २८०० ते थेट ५००० रूपयांपर्यंत पोहचलं आहे. आधी जे तिकीट १०००० ते १५००० पाकिस्तानी रूपयांमध्ये मिळत होतं ते आता १७००० ते २०००० पाकिस्तानी रूपयांपर्यंत मिळत आहे.
