पुढारी ऑनलाईन डेस्क : कृत्रिम बुद्धिमत्तेमुळे लवकरच मानवी नोकऱ्यांमध्ये कपात होईल का? हा प्रश्न काही नवीन नाही. परंतु, सध्या हा प्रश्न विचारणाऱ्यांची संख्या अधिक झाली आहे. चॅट जीपीटी आणि गुगलच्या नवीन चॅटबॉट जेमिनीच्या आगमनामुळे लोकांच्या चिंतेत भर पडली आहे. अशा परिस्थितीत मंगळावर जाण्याच्या तयारीत असलेले स्पेस एक्सचे मालक एलन मस्क यांनी एक चिंताजनक वक्तव्य केले आहे. नुकताच हा प्रश्न एलन मस्क यांना पडला. या तंत्रज्ञानाची 'सर्वात मोठी भीती' आहे असे वर्णन त्यांनी केले. मस्क पुढे म्हणाले की, ए.आय.मुळे भविष्यात 'कदाचित आपल्यापैकी कोणालाच नोकरी नसेल'. टेक जायंट पॅरिसमध्ये विवा टेक 2024 च्या मुलाखती दरम्यान ते बोलत होते.
ते पुढे म्हणाले, "तुम्हाला एखादी छंदासारखी नोकरी करायची असेल तर तुम्ही नोकरी करू शकता. अन्यथा, एआय आणि रोबोट्स तुम्हाला पाहिजे असलेल्या कोणत्याही वस्तू आणि सेवा प्रदान करतील." त्यांनी अधोरेखित केले की एआयची क्षमता गेल्या काही वर्षांमध्ये वेगाने वाढली आहे. त्यामुळे आपण इतक्या लवकर प्रगती करत आहेत की, कंपन्या आणि वापरकर्ते अजूनही तंत्रज्ञानाचा वापर जबाबदारीने कसा करायचा हे शोधत आहेत.
यापूर्वीही मस्क यांनी ए.आय. बद्दल चिंता व्यक्त केली होती. गुरुवारी (दि.23) त्यांच्या मुख्य भाषणा दरम्यान त्यांनी तंत्रज्ञानाचे वर्णन "सर्वात मोठी भीती" म्हणून केले. त्यांनी इयान बँक्सच्या "कल्चर बुक सिरीज" चा उच्चार केला, जो प्रगत तंत्रज्ञानाद्वारे चालवल्या जाणाऱ्या समाजाचे युरोपियन काल्पनिक चित्रण आहे, सर्वात वास्तववादी आणि "भविष्यातील एआयची सर्वोत्तम कल्पना" आहे. भविष्यात नोकऱ्यांशिवाय लोकांना भावनिकदृष्ट्या परिपूर्ण वाटेल का? असा प्रश्न मस्क यांनी केला.
ए.आय. बाजारात वाढल्यामुळे विविध उद्योग आणि नोकऱ्या कशा बदलल्या जातील याबद्दल उद्योग तज्ञ सतत चिंता व्यक्त करत आहेत.
सीएनएनने दिलेल्या अहवालानुसार, कॉम्प्युटर सायन्स आणि आर्टिफिशियल इंटेलिजेंस लॅबमधील संशोधकांना असे आढळून आले की, कामाची ठिकाणी एआयची अवलंब काहींच्या अपेक्षेपेक्षा आणि भीतीपेक्षा अत्यंत कमी प्रमाणात केला जात आहे. सदर अहवालात असेही नमूद करण्यात आले आहे की, पूर्वी एआयसाठी असुरक्षित म्हणून ओळखल्या गेलेल्या अनेक नोकऱ्या त्यावेळी स्वयंचलित करणे कंपन्यांसाठी आर्थिकदृष्ट्या फायदेशीर नव्हते.
हेही वाचा :
