पुढारी ऑनलाईन डेस्‍क : कॅनडाच्या संसदेत माजी नाझी सैनिकाच्‍या सन्मानावर अखेर पंतप्रधान जस्‍टीन ट्रूडो यांनी माफी मागितली आहे. या प्रकरणी त्‍यांनी प्रथच दिलगिरी व्‍यक्‍त करत या घटनेला त्‍यांनी खूपच लाजिरवाणे, असे म्‍हटले आहे, असे वृत्त 'इंडिया टूडे'ने दिले आहे.
कॅनडा संसदेत काय घडलं होते?
युक्रेनचे राष्‍ट्राध्‍यक्ष झेलेंस्‍की यांनी २२ सप्‍टेंबर रोजी कॅनडा दौर्‍यावर होते. त्‍यांनी कॅनडाच्या संसदेला संबोधित केले.यावेळी सभागृहाच्‍या गॅलरीत उपस्‍थित असलेल्‍या जर्मनीचा हुकूमशहा हिटलरच्‍या नाझी सैन्‍यातील माजी सैनिक ९८ वर्षीय यारोस्लाव हुंका यांच्याकडे स्पीकर अँथनी रोटा यांनी लक्ष वेधले. तेव्हा उपस्‍थित खासदारांनी उभे राहून त्यांचे स्वागत केले. यावेळी स्पीकर रोटा यांनी हुंका यांचे वर्णन 'फर्स्ट युक्रेनियन डिव्हिजन'साठी लढणारा युद्धनायक म्हणून केला. त्‍याच्‍या याकृतीवर जोरदार टीका झाली. या संपूर्ण घटनेनंतर कॅनडातील ज्यू संघटनांनी रविवारी पंतप्रधान जस्टिन ट्रूडो यांनी माफी मागावी, अशी मागणी केली होती.
कॅनडाच्या संसदेने हिटलरच्‍या नाझी सैन्यात सेवा केलेल्या आणि दुसऱ्या महायुद्धात ज्यू आणि इतरांच्या सामूहिक हत्येसाठी दोषी ठरलेल्या एका युक्रेनियन व्‍यक्‍तीला उभे राहून अभिवादन केले. ही कृती अत्‍यंत चुकीची आहे, असा आक्षेप घेतया प्रकरणी ट्रूडो यांनी तत्‍काळ माफी मागावी, अशी मागणी विरोधी पक्ष नेते पियरे पॉलीव्‍हेरे यांनी केली होती.
कॅनडाच्या संसदेत माजी नाझी सैनिकाचा सन्मान करण्याच्या कृती घृणास्पद होती. अज्ञानाबद्दल माफी मागणे पूर्णपणे हास्यास्पद आहे. कॅनडाला युक्रेनियन नाझींसाठी "सुरक्षित आश्रयस्थान" आहे, असे भारतातील रशियाचे राजदूत डेनिस अलीपोव्ह यांनी सोशल मीडिया प्लॅटफॉर्म X ( पूर्वीचे ट्विटर ) वरील पोस्‍टमध्‍ये म्‍हटले होते.
कॅनडा संसदेमध्‍ये माजी नाझी सैनिकाला देण्‍यात आलेल्‍या सन्मानावर जगभारातील टीकेची झोड उठली. अखेर पंतप्रधान जस्‍टीन ट्रूडो यांनी माफी मागितली. या प्रकरणी त्‍यांनी प्रथच दिलगिरी व्‍यक्‍त करत ही घटना खूपच लाजिरवाणी होती, असे त्‍यांनी म्‍हटले आहे.
हेही वाचा :
