Ukraine War : रशिया-युक्रेन युद्ध होणार आणखी तीव्र : अमेरिकेची युक्रेनसह युरोपमधील १८ देशांना भरीव मदत
पुढारी ऑनलाईन डेस्‍क : रशिया -युक्रेन युद्ध आणखी तीव्र होण्‍याचे संकेत मिळत आहेत. युक्रेनसह युरोपमधील १८ देशांना तब्‍बल २ अब्‍ज डॉलरची संरक्षण सहाय्‍य देण्‍याची घोषणा अमेरिकेचे परराष्ट्र मंत्री अँटनी ब्लिंकन यांनी केली आहे. अमेरिका प्रशासन युक्रेन आणि त्‍याच्‍या शेजारील १८ देशांना दीर्घकालीन सैन्‍य सहाय्‍य करण्‍यासाठी दोन अब्‍ज डॉलर देणार आहे. हे देश अटलांटिक ट्रिटी ऑर्गनायझेशन (नाटो ) संघटनेचे सदस्‍य आहेत. त्‍यांच्‍यावर भविष्‍यात रशियाकडून हल्‍ला होवू शकतो, यामुळे ही मदत देण्‍यात येत असल्‍याचेही त्‍यांनी स्‍पष्‍ट केले आहे.
Ukraine War : युक्रेनला यापूर्वी मिळाली आहे ६७५ मिलियन डॉलर मदत
युक्रेनला संरक्षण सामुग्रीसाठी यापूर्वी ६७५ मिलियन डॉलरचे पॅकेज मिळाले असल्‍याची घोषणा युक्रेनचे संरक्षण सचिव लॉयड ऑस्‍टिन यांनी जर्मनीमधील एका संमेलनात केली. युक्रेनने देशातील दक्षिण भागात रशियाला चोख प्रत्‍युत्तर देण्‍यास सुरुवात केली आहे. आता युद्ध भूमीवर आम्‍हाला यश मिळत आहे, असा दावाही त्‍यांनी केला . यावेळी अटलांटिक ट्रिटी ऑर्गनायझेशन (नाटो ) संघटनेचे महासचिव जेन्‍स स्‍टॅलटेनबर्ग उपस्‍थित होते. बायडन यांची अमेरिकेचे राष्‍ट्राध्‍यक्षपदी निवड झाल्‍यानंतर आतापर्यंत अमेरिकेने युक्रेनला तब्‍बल १५.२ अब्‍ज डॉलरची मदत केली आहे.
Ukraine War : रशिया -युक्रेन युद्ध मागील काही दिवसांमध्‍ये पुन्‍हा तीव्र
रशिया -युक्रेन युद्ध मागील काही दिवसांमध्‍ये पुन्‍हा तीव्र झाले आहे. युक्रेनच्‍या लष्‍कराने दक्षिण आणि पूर्व भागात रशियाने कब्‍जा केलेला परिसर पुन्‍हा ताब्‍यात घेण्‍यासाठी जोरदार प्रत्‍युत्तर देणे सुरु केले आहे. आम्‍ही रशियाने ताब्‍यात घेतलेला प्रदेश पुन्‍हा ताब्‍यात घेवू, असा विश्‍वास युक्रेनकडून व्‍यक्‍त केला जात आहे.
BREAKING: The Biden administration is providing more than $2 billion in new military aid to Ukraine and other European countries threatened by Russia, U.S. Secretary of State Antony Blinken announced. https://t.co/0EtC9CHUlm
— The Associated Press (@AP) September 8, 2022
हेही वाचा :
- PAK vs AFG : पाकिस्तान-अफगाणिस्तान सामन्यात ‘या’ लाजिरवाण्या विक्रमाची नोंद
- Rajasthan : याला म्हणतात धाडस! बापाला वाचवण्यासाठी मुलगी थेट अस्वलाशी भिडली
- Bihar Terror Module : एनआयएने दहशतवाद्यांना पकडण्यासाठी टाकले 32 ठिकाणी छापे, अररिया ते दरभंगापर्यंत अटक सत्र सुरू
वाढत्या महागाईसाठी राज्य सरकारांची धोरणेदेखील जबाबदार : #अर्थमंत्री_निर्मला_सीतारामन | पुढारी -👇 https://t.co/GZ2j7R9LKb
— Pudhari (@pudharionline) September 8, 2022
DRDO : भारतीय लष्कराकडून QRSAM प्रणालीच्या 6 उड्डाण चाचण्या यशस्वी https://t.co/cC4PSoxR3R #indianarmy #india #drdo #QRSAM #pudharionline #pudharinews #pudhari
— Pudhari (@pudharionline) September 8, 2022