Youtuber Arrest | गोव्यात पर्यटकांची छेडछाड करणाऱ्या या यूट्यूबरला पोलिसांचा दणका; मोरजी किनाऱ्यावरील प्रकारानंतर गुन्हा दाखल

पेडणे : मोरजी

समुद्रकिनाऱ्यावर पर्यटकांची छेडछाड करणाऱ्या आणि अश्लील वर्तन करणाऱ्या एका यूट्यूबरविरुद्ध मांद्रे पोलिसांनी गुन्हा नोंदवला आहे. 'गुड्डू व्लॉग्स ७' या यूट्यूब आयडीचा वापर करणाऱ्या संशयिताने विदेशी आणि भारतीय पर्यटकांना त्रास दिल्याची तक्रार प्राप्त झाल्यानंतर पोलिसांनी ही कारवाई केली आहे.

संशयित यूट्यूबरने मोरजी समुद्रकिनाऱ्यावर पर्यटकांच्या प्रायव्हसीत हस्तक्षेप करत त्यांना अडवून धरले. त्याने सार्वजनिक ठिकाणी गोंधळ निर्माण करून पर्यटकांना त्रास दिला. विशेष म्हणजे, या व्यक्तीने महिला पर्यटकांना अयोग्य पद्धतीने फोटो आणि व्हिडीओ काढण्यासाठी जबरदस्ती केल्याचा गंभीर आरोप तक्रारीत करण्यात आला आहे.