दाबोळी : पुढारी वृत्तसेवा
मासेमारीसाठी गेलेल्या बोट मालक मंजुनाथ हरिकांत यांचा खारीवाडा परिसरात समुद्रात मृतदेह आढळून आला. पोलिसांनी घटनास्थळी धाव घेत तपासाला सुरुवात केली असता हरिकांत यांची त्यांच्याच बोटीवर काम करणाऱ्या ओडिशातील कामगारांनी हत्या केली व मृतदेह समुद्रात फेकून दिल्याचे प्राथमिक तपासात उघड झाले.
याप्र-करणी पोलिसांनी गुन्हा दाखल केला असून संशयित सुरू आहे. मंजुनाथ हरिकांत कामगारांचा शोध पोलिसांनी दिलेल्या माहितीनुसार, मंजुनाथ हरिकांत हे नेहमीप्रमाणे ओडिशा येथील काही कामगारांना सोबत घेऊन मासेमारीसाठी समुद्रात गेले होते. मात्र, या प्रवासादरम्यान समुद्रातच मालक आणि कामगारांमध्ये काही क्षुल्लक कारणांवरून वाद झाला.
या वादाचे रूपांतर हिंसेत झाले आणि कामगारांनी एकत्र येऊन मंजुनाथ यांच्या डोक्यावर जड वस्तूने जोरदार प्रहार केला. हा हल्ला इतका भीषण होता की मंजुनाथ यांचा जागीच मृत्यू झाला. त्यानंतर गुन्हा लपवण्यासाठी संशयितांनी मंजुनाथ यांचा मृतदेह थेट समुद्रात फेकून दिला. त्यानंतर संशयितांनी मासेमारीची बोट किनाऱ्यावर आणली आणि जेटीवर नांगरून उभी केली आणि आपल्या बॅगा घेवून आपल्या गावी पळ काढला.
१ जून पासून मान्सून काळातील मासेमारी बंदी लागू झाल्याने किनाऱ्यावर अनेक बोटी उभ्या आहेत. त्यामुळे सुरुवातीला कोणालाही संशय आला नाही. मात्र, समुद्रात हरिकांत यांचा मृतदेह तरंगताना आढळला. त्यांच्या शरीरावर गंभीर मारहाणीच्या खुणा आढळल्याने पोलिसांनी खुनाचा गुन्हा दाखल केला असून संशयितांचा शोध घेण्यात येत आहे.
