फोंडा : खाजोर्डा बोरी येथे - पूर्ववैमनस्यातून एकाची मानेवर कुन्हाड घालून हत्या करण्याचा प्रकार घडला. रविवारी (दि.३) संध्याकाळी ५.४५ च्या दरम्यान ही घटना घडली. मयत इसमाचे नाव दीपक राया नाईक (वय ५८) असे आहे.
खाजोर्डा येथे दीपक नाईक याच्या अंगणातच ही घटना घडली. हल्लेखोर दोघे भाऊ असून गौरेश कुशन नाईक हा हत्यारासहीत फरार झाला असून त्याचा भाऊ साईदीप कुशन नाईक याला फोंडा पोलिसांनी अटक केली. दोन दिवसांपूर्वी दीपक नाईक व कुशन नाईक यांच्यात पायवाटेवरून दोन्ही नाईक कुटुंबियांत वादावादी झाली होती. दीपक नाईक याने आपल्या घराचे छत बदलताना कौलांच्या जागी पत्रे घातले होते. पत्रे घालताना कौले काढून वाटेच्या कडेला ठेवण्यात आली होती. ती कौले दीपक नाईक दुसरीकडे ठेवत होता. या कौलांवरून गौरेश आणि साईदीप यांनी भांडण उकरून काढले.
