फोंडा : पुढारी वृत्तसेवा
फोंड्यात एका महिलेचा डेंग्यूमुळे मृत्यू झाल्याने परिसरात भीती पसरली असून शहर तसेच इतर परिसरात डेंग्यूचे रुग्ण वाढतच चालल्याने आरोग्य खात्याने प्रभावी उपाययोजना क करण्याची मागणी होत आहे. गेल्या मे महिन्यात १० पेक्षा जास्त डेंग्यू रुग्णांची नोंद झाली आहे.
फोंडा शहर परिसरात खडपाबांध तसेच तिस्क, वरचा बाजार, दुर्गाभाट, कुर्टी व इतर परिसरात डेंग्यूचे रुग्ण सातत्याने आढळत असल्याने लोकांत भीती पसरली आहे. डेंग्यूबाधीत रुग्णांना फोंडा आयडी उपजिल्हा इस्पितळ आणि खासगी इस्पितळात उपचारासाठी दाखल करण्याचे सत्रच सध्या सुरू आहे.
एरवी पावसाळ्यात दरवर्षी फोंडा तालुक्यांत डेंग्यू रुग्ण सापडतात. मात्र, यंदा ऐन उन्हाळ्यातच डेंग्यू रुग्ण मोठ्या प्रमाणात सापडत असल्याने पावसाळ्यात काय स्थिती असेल, अशी विचारणा फोडावासीयांकडून केली जात आहे. फोंडा तसेच कुर्टी व इतर पंचायत क्षेत्रात गटारे प्राण्याने तुंबली आहेत. बऱ्याच ठिकाणी गटारांची साफसफाई झालेली नाही.
