पुणे: पुढारी वृत्तसेवा
मुलाच्या हाताश्या शस्त्रक्रियेसाठी गेलेल्या महिलेला अंघोळ करताना पाहणार्या व नंतर तिचा पाठलाग करणार्या गणेशखिंड रोडवरील हर्डीकर हॉस्पीटलमधील वॉडबॉयवर गुन्हा दाखल करण्यात आला आहे. याबाबत एका 42 वर्षीय महिलेनी दिलेल्या फिर्यादीवरून वॉर्डबॉय आयाज शेख (25, रा. राजीव गांधी झोपडपट्टी, खडकी) याच्यावर गुन्हा दाखल करण्यात आला आहे.
फिर्यादी यांनी त्यांच्या मुलाच्या हाताचे ऑपरेशन करण्यासाठी प्रायव्हेट रूम घेतली होती. त्या रूममधील बाथरूमध्ये आंघोळीसाठी गेल्या असताना हॉस्पीटलमध्ये काम करणारा आयाज याने त्या ठिकाणी बेडशीट बदलण्यासाठी येऊन बेडशिट बदलुन झाल्यानंतर शेजारच्या रूमच्या जाळीतून महिलेला अंघोळ करताना पाहिले. नंतर तिचा पाठलाग करून तिचा विनयभंग केल्याबाबत फिर्यादीत म्हटले आहे. हा प्रकार 4 जून रोजी 1 वाजण्याच्या सुमारास घडला.
