पुढारी ऑनलाईन डेस्क: OpenAI ChatGPT|१ एप्रिलपासून ओपनएआय (OpenAI) कंपनीने Ghibli (घिब्ली) या ट्रेंडची सेवा युजर्संना उपलब्ध करून दिली. यानंतर चारच दिवसांत चॅटजीपीटीवर जवळपास १३ कोटींहून अधिक युजर्संनी ७० कोटींहून अधिक Ghibli (घिब्ली) अॅनिमी इमेजेस (प्रतिमा) तयार केल्या आहेत, अशी माहिती एआय कंपनी ओपनएआयने (OpenAI) दिली आहे.
भारतातील युजर्सकडून सर्वाधिक Ghibli (घिब्ली) अॅनिमी इमेजेस बनवण्यात आल्या आहेत. त्यामुळे 'चॅटजीपीटी'साठी सुरू आठवडा खूपच भन्नाट होता, असे ओपनएआय (OpenAI) कंपनीने म्हटले आहे. भारतात 'ChatGPT'चे मार्केट हे अधिक वेगाने वाढत आहे, असेही कंपनीने म्हटले आहे. ओपनएआयचे (OpenAI) सीओओ (COO) ब्रॅड लाइटकॅप यांनी या संदर्भातील माहिती त्यांच्या अधिकृत एक्स सोशल मीडिया अकाऊंटवरून दिली आहे.
ओपनएआयचे (OpenAI) सीईओ (CEO) सॅम आल्टमन यांनी भारतीय लोकांच्या चॅटजीपीटी वापरावरून भारताने AI स्वीकारताना जे घडत आहे ते पाहणे आश्चर्यकारक आहे. भारतीय लोकांच्या सर्जजशीलतेचाहा महापूर पाहताना आम्हाला आनंद वाटत आहे. भारत AI मध्ये जगाला मागे टाकत असल्याचेही सॅम आल्टमन यांनी म्हटले आहे. दरम्यान त्यांनी टीम इंडियाची जर्सी घातलेली क्रिकेट खेळाडू म्हणून स्वतःची एआय-जनरेट केलेली Ghibli (घिब्ली) अॅनिमी इमेज (प्रतिमा) देखील एक्सवरून शेअर केली आहे.
दरम्यान, कंपनीचे सीओओ (COO) ब्रॅड लाइटकॅप यांनी एक्स पोस्टमध्ये म्हटले आहे की, "चॅटजीपीटी मधील Ghibli (घिब्ली) अॅनिमी इमेज क्रिएशनसाठी पहिला आठवडा खूपच भन्नाट होता. मंगळवार १ एप्रिलपासून १३ कोटींहून अधिक युजर्संनी ७० कोटींहून अधिक Ghibli (घिब्ली) अॅनिमी इमेजेस तयार केल्या आहेत. भारत आता आमची सर्वात वेगाने वाढणारी चॅटजीपीटी बाजारपेठ बनली आहे. आम्ही सर्वांना सेवा देण्याचा प्रयत्न करत असताना तुमच्या संयमाचे आम्ही कौतुक करतो, टीम दिवसरात्र काम करत राहते.
