छत्रपती संभाजीनगर : शाळा सुटल्यावर तीन वर्षाच्या चिमुकलीला गाठून नराधम लैंगिक अत्याचार करत असल्याचा संतापजनक प्रकार समोर आला आहे. चिमुकलीने मंगळवारी (दि. १४) आईला हा प्रकार सांगितल्यावर त्यांनी वेदांतनगर पोलिस ठाण्यात धाव घेत तक्रार दिली. त्यावरून आरोपी किल्य हरिदास जीणनवाल (५९, रा. पदमपुरा, परिवार अपार्टमेंटमागे) यास अटक करण्यात आली असून, त्याला ३ दिवसांची पोलिस कोठडी सुनावण्यात आल्याची माहिती सहायक पोलिस आयुक्त सागर देशमुख यांनी दिली.
पिडित चिमुकलीच्या आईच्या तक्रारीनुसार, मुलीची शाळा दुपारी १२.३० वाजता सुटते, तर तिच्या मोठ्या भावाची शाळा ही १ वाजता सुटते. दोन्ही मुलांना एकदाच शाळेतून आणण्यासाठी त्या एक वाजता शाळेत जायच्या, या मधल्या वेळेचा फायदा घेऊनच आरोपी विजय हा तिला गाठ्न तिच्यावर लैंगिक अत्याचार करायचा, मंगळवारी शाळेतून आल्यावर चिमुकलीने एक अंकात गुदगुदी करत असल्याचे सांगितले. ही बाब गांभीयनि घेऊन आईने तिला विचारणा केली. तेव्हा तिने तिच्यासोबत घडणारा प्रकार आईला सांगितला. आरोपी हा लंगडत चालत असल्याचे वर्णन केले. संतापलेल्या आईने पतीला सांगितले. दोघांनी आरोपीचा शोध घेऊन विजयच असल्याचे निष्पन्न केले. याप्रकरणी वेदांतनगर पोलिस ठाण्यात पोस्कोअंतर्गत गुन्हा दाखल करण्यात आला असून, अधिक तपास पोलिस निरीक्षक प्रविणा यादव करत आहेत.
शाळेजवळ जाऊन चिमुकलीला लावायचा लाडीगोडी
आरोपी विजयचा काही महिन्यांपूर्वी अपघातात पाय फॅक्चर झाल्याने लंगडत चालतो. अपघातापासून तो काहीही कामधंदा करत नाही. तो मुलगी शिकत असलेल्या शाळेच्या परिसरात राहत असल्याने शाळा सुटण्याच्या वेळेला जाऊन मुलीला लाडीगोडी लावून गाठायचा. त्याने अत्याचार शाळेतच केले की अन्य कुठे घेऊन जायचा, याचा तपास सुरू आहे.
