जळगाव : कासोदा पोलिसांनी एरंडोल तालुक्यातील जवखेडे सिम गावात गालापूर रोडलगत असलेल्या जुगार अड्ड्यावर छापा टाकून १५ जुगाऱ्यांना ताब्यात घेतले. या कारवाईत १ लाख २१ हजार ३९० रुपयांचा मुद्देमाल जप्त करण्यात आला असून कासोदा पोलीस ठाण्यात गुन्हा दाखल झाला आहे.
सहाय्यक पोलीस निरीक्षक निलेश राजपूत यांना गावातील काटेरी झुडपांच्या आडोशाला पत्त्यांचा जुगार सुरू असल्याची गोपनीय माहिती मिळाली होती. त्यानुसार प्रदीप पाटील, समाधान तोंडे, निलेश नाना गायकवाड आणि योगेश पाटील यांच्या पोलीस पथकासह कारवाईसाठी पाठवण्यात आले. पोलिसांनी ठिकाणी छापा टाकत १५ जणांना रंगेहाथ ताब्यात घेतले.
अटक केलेल्यांमध्ये सोनू धाकु भिल (५०), विरभान श्रावण भिल (४०), राहुल संतोष सोनवणे (२६), प्रवीण वसंत सोनवणे (३९), संतोष माधव सोनवणे (३०), सुनील दगा ठाकरे (३५), मंगिलाल भाईदास चव्हाण (४५), रतन धाकु भिल (६०), अशोक गोविंदा पाटील (५४), सचिन बापू पवार (३७), कांतीलाल महादू सोनवणे (३८), उत्तम बालाअप्पा जेढे (५०), समाधान बापू पाटील (३५), संभाजी महारु पाटील (५८) आणि सुनील सीताराम वाघ (४८) यांचा समावेश आहे. सर्वजण जवखेडे सिम, ता. एरंडोल, जि. जळगाव येथील रहिवासी आहेत.
आरोपींच्या अंगझडतीतून पत्त्यांच्या डावातून रोख ६,३९० रुपये व १ लाख १५ हजार रुपये किमतीच्या दोन मोटारसायकली असा एकूण १ लाख २१ हजार ३९० रुपयांचा मुद्देमाल जप्त करण्यात आला आहे. पोलिस कर्मचारी दीपक देसले यांच्या फिर्यादीवरून सर्व आरोपींविरुद्ध गुन्हा दाखल करण्यात आला आहे.
