बहुमजली पीक पद्धत : कशी घ्यायची बहुमजली पीकं? | पुढारी

बहुमजली पीक पद्धत : कशी घ्यायची बहुमजली पीकं?

- विलास कदम

बहुमजली पीक पद्धतीमध्ये पिकांच्या उंचीनुसार क्रमाने पिकांची लागवड केली जाते. प्रथम जास्त उंची असलेली झाडे, नंतर मध्यम उंची असलेली झाडे आणि त्याखालोखाल कमी कमी उंची असलेली झाडे अशा क्रमाने पिकांची लागवड केली जाते. बहुमजली पीक पद्धत एकाच जमिनीवर घेतली जाते. काही पिकांवर प्रखर उष्णता मानवत नाही. त्यांच्या योग्य वाढीकरिता आणि अधिक उत्पादनासाठी सावली मिळणे आवश्यक असते. अशावेळी वेगवेगळ्या उंचीची झाडे लावल्यानंतर एका पिकाला दुसर्‍या पिकामुळे सावली मिळते. या पद्धतीचे उत्तम उदाहरण म्हणजे जास्त उंची असलेल्या नारळाच्या बागेत कोकोसारख्या मध्यम उंचीची झाडे लावणे आणि त्याखाली कोथिंबीर आणि इतर भाजीपाला पिके लावणे हे होय.

बहुमजली पीक फायदे :

  • एकाच जमिनीतून अनेक पिके घेता येतात, त्यामुळे वर्षभर विभिन्न कृषी उत्पन्न मिळत राहते.
  • मशागतीवरील होणारा खर्च कमी होतो
  • वेगवेगळी पिके घेतल्यामुळे रोग आणि किडींपासून पिकांचे संरक्षण होते.
  • उपलब्ध निविष्ठांचा, मजुरांचा पुरेपूर वापर करता येतो.
  • मर्यादा : ही पद्धत फक्त विशिष्ट पिकांसाठीच वापरता येते.
  • प्रत्येक पिकाचा कापणीचा काळ वेगळा असतो.
  • पीक संरक्षणाची गरज पडल्यास कीड नियंत्रणासाठी विशेष काळजी घ्यावी लागते.
  • पिकांच्या गर्दीमुळे सुधारित अवजारे वापरण्यावर मर्यादा येतात.
  • मजुरांवर होणारा खर्च वाढतो.

Back to top button