[author title="चिराग दारूवाला :" image="http://"][/author]
शनी जयंती आज (गुरुवार, ६ जून) आहे. हिंदू कॅलेंडरनुसार ज्येष्ठ अमावस्या शनिदेवाची जयंती म्हणून साजरी केली जाते. या दिवशी शनिदेवाची पूजा करणे शुभ फलदायी मानले जाते. विशेष करून ज्यांच्या कुंडलीत शनिदोष आहे, शनीची महादशा सुरू आहे, साडेसाती किंवा दहिया आहे, त्यांनी ही पूजा आवर्जून करावी. याशिवाय ज्यांच्या कुंडलीत शनी कमकुवत आहे, त्यांनी न्यायाचा देवता असलेल्या शनिदेवाची पूजा करावी.
हिंदू कँलेंडरनुसार ज्येष्ठ महिन्याच्या अमावस्येला शनिदेवाचा जन्म झाला. हा दिवस शनी जयंती म्हणून ओळखला जातो. या पवित्र दिवशी शनिदेवाची पूजा केल्याने शुभफल मिळतात. सध्या कुंभ, मकर आणि मीन राशींची साडेसाती सुरू आहे. शनीची साडेसाती सुरू झाल्यानंतर व्यक्तीला अनेक समस्यांना तोंड द्यावे लागते. धार्मिक आणि ज्योतिषशास्त्रानुसार सांगितलेले उपाय केले तर शनीच्या साडेसातीपासून काही दिलासा मिळू शकतो.
ज्योतिषशास्त्रात शनी जयंतीला फार महत्त्व आहे. या दिवशी शनीची पूजा करावी आणि इतर काही गोष्टींची काळजी घ्यावी, असे सांगितले आहे. शनिदेवाला प्रसन्न करण्यासाठी तुम्हाला फसवणूक आणि चुकीच्या मार्गांचा त्याग केला पाहिजे. तसेच शनी हा न्यायाचा देवता असल्याने सत्याची पाठराखण करावी. शनीला चुकीची वर्तणूक खपत नाही, हे लक्षात ठेवा. या दिवशी दानधर्म करावे आणि पित्रांचे तर्पण करावे, यामुळे पितृदोषांतून दिलासा मिळेल.
हेही वाचा :
